საქართველოს პარლამენტის თავმჯდომარე ირაკლი კობახიძემ ტელეკომპანია „იმედთან“ ინტერვიუში თიანეთის  მერობის არჩევნებთან დაკავშირებითაც ისაუბრა. მისი თქმით, სასამართლოს გადაწყვეტილებას, რომლის თანახმადაც თიანეთის  მერი თამაზ მეჭიარუი იქნება,  პატივი უნდა სცენ.

„ორი სხვადასხვა, საუბნოსა და საოლქო კომისიის გადაწყვეტილება იყო და სასამართლომ კონკრეტულ არგუმენტებზე დაყრდნობით როგორც ჩანს უპირატესობა მიანიჭა საუბნო კომისიის გადაწყვეტილებას. ეს სასამართლოს გადასაწყვეტი იყო და ჩვენ პატივი უნდა ვცეთ მის გადაწყვეტილებას, ეს თავის მხრივ მიანიშნებს იმას, რომ სასამართლო აღარ არის მმართველი პარტიის ერთ-ერთი ქვედანაყოფი, როგორც იყო წარსულში და სასამართლო არის დამოუკიდებელი, რომელიც საკუთარი არგუმენტების დ შეხედულებების შესაბამისად იღებს გადაწყვეტილებას“,-აღნიშნა კობახიძემ.

კობახიძე ასევე გამოეხმაურა თამაზ მეჭიაურისა და ზაქარია ქუცნაშვილის დაპირირსპირებას და აღნიშნა, რომ ეს სასიამოვნო მოსასმენი არ იყო:

„სასიამოვნო მოსასმენი ეს დაპირისპირება ნამდვილად არ იყო. ზოგადად ეს შემიძლია აღვნიშნო. კიდევ ერთხელ, თიანეთში ყველაფერი უნდა გადაწყვეტილიყო სამართლებრივ ჭრილში და მადლობა ღმერთს, სამართლებრივად გადაწყდა ის დავა, რომელიც წარმოებდა. შეიძლება ეს ჩვენთვის სასიამოვნო არ იყო, რადგან სასამართლომ  "ქართული ოცნების“ საპირისპირო გადაწყვეტილება გამოიტანა, თუმცა მთავარია, რომ სამართლებრივ ჭრილში გადაწყდა პრობლემა“,-განაცხადა ირაკლი კობახიძემ.

კითხვაზე-ზაქარია ქუცნაშვილის საკითხს თუ განიხილავთ პოლიტსაბჭოზე, კობახიძემ ასეთი პასუხი გასცა:

„სასიამოვნო მოსასმენი ნამდვილად არ იყო ის, რაც მოვისმინეთ. ჩვენ გუნდში ზოგადად ვმსჯელობთ ყველა საკითხზე, იმაზეც რაც მოგვწონს და რაც - არა. ყველა საკითხზე გვექნება მსჯელობა, მათ შორის ბატონ ზაქარიასთან ერთადაც დავსხდებით, ვისაუბრებთ ზოგადად რაც მოხდა თიანეთში და მათ შორის შეგვიძლია განვიხილოთ ეს საკითხიც“,-განაცხადა ირაკლი კობახიძემ.

ავტორი: ,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება