ესპანეთი კატალონიის ყოფილ მეთაურს კარლეს პუჩდემონს დაპატიმრებით ემუქრება, - ამის შესახებ El Mundo იუწყება.

მედია საშუალების ინფორმაციით, კარლეს პუჩდემონი შესაძლოა ციხეში ჩასვან, თუ მადრიდის განკარგულებას არ შეასრულებს და პოსტს არ დატოვებს.

კანონმდებლობის თანახმად, პუჩდემონმა დაკავებული თანამდებობა მას შემდეგ უნდა დატოვოს, რაც შესაბამისი განკარგულება სახელმწიფო მაცნეში გამოქვეყნდება.

ესპანეთის შინაგან საქმეთა სამინისტროში აცხადებენ, რომ თუ პუჩდემონი თანამდებობის დატოვებაზე უარს იტყვის, მას ძალაუფლების უზურპაციაში დაადანაშაულებენ. ასეთ შემთხვევაში კატალონიის უკვე ყოფილ მეთაურს ერთიდან 3-წლამდე თავისუფლების აღკვეთა დაემუქრება.

მედიის ცნობით, მსგავსი გადაწყვეტილება შესაძლოა კატალონიის გენერალიტეტის სხვა ყოფილი წარმომადგენლების მიმართაც მიიღონ, რადგან ისინი ქვეყნის პრემიერმა გადააყენა.

ცნობისთვის, 27 ოქტომბერს, კატალონიის პარლამენტმა რეგიონის დამოუკიდებლობის შესახებ რეზოლუციას მხარი დაუჭირა. დამოუკიდებლობის რეზოლუციის საპასუხოდ მადრიდმა რეგიონში პირდაპირი მმართველობის დაწესებას დაუჭირა მხარი. კატალონიაში ჩატარებული კენჭისყრიდან ერთ საათში ესპანეთის სენატმა კონსტიტუციის 155-ე მუხლის ამოქმედა. ესპანეთის პრემიერ-მინისტრმა მარიანო რახოიმ კატალონიის მეთაური კარლეს პუჩდემონი თანამდებობიდან გაათავისუფლა და პარლამენტი დაითხოვა. გარდა ამისა, პრემიერმა კატალონიაში საპარლამენტო არჩევნები დანიშნა, რომელიც 21 დეკემბერს გაიმართება.

შეგახსენებთ, რომ კატალონიაში ე.წ. რეფერენდუმი 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, 893 ადამიანი დაშავდა, მათ შორის სამართალდამცველებიც. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ამასთან, 10 ოქტომბერს კატალონიის მეთაურმა კარლეს პუჩდემონმა რეგიონის ე.წ. დამოუკიდებლობის დეკლარაციას ხელი მოაწერა.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს