„ქართული ოცნების“ მერობის კანდიდატის კახა კალაძის განცხადებით, უახლოეს დღეებში ინვესტიციების მოზიდვის მიზნით, საერთაშორისო საფინანსო ორგანიზაციებს შეხვდება.

როგორც კალაძემ ჟურნალისტებს განუცხადა, გარდა ამისა, ის მოსახლეობასთან შეხვედრების გაგრძელებასაც გეგმავს.

მერობის კანდიდატს მიაჩნია, რომ ადამიანებთან კონტაქტის დროს ქალაქის საჭიროებების შესახებ მეტს გაიგებს.

„ეს დამაჯერებელი გამარჯვება კიდევ უფრო მეტ მოტივაციას გვაძლევს, რომ გავაკეთოთ ის რაც ქალაქს სჭირდება. შესაბამისად ეს გარდამავალი პერიოდი, რომელიც გვაქვს, დავყავით რამდენიმე ეტაპად და საკრებულოს წევრებს ვესაუბრე იმ კონკრეტულ საკითხებზე თუ რა უნდა გაკეთდეს, მანამდე სანამ ჩვენ ოფიციალურად უფლებამოსილება მოგვენიჭება. ძალიან მნიშვნელოვანია, რომ ამ დღეების განმავლობაში ვაპირებ შევხვდე საერთაშორისო საფინანსო ორგანიზაციებს და გავაცნო ყველა ის პროექტი, რომელიც ჩვენს მიერ გაჟღერდა წინასაარჩევნო პერიოდში, იმისათვის რომ თანხების მოზიდვა იყოს შესაძლებელი. ასევე ძალიან მნიშვნელოვანია ადამიანებთან, მოსახლეობასთან კომუნიკაცია. ის შეხვედრები, რომლებიც წინასაარჩევნოდ იყო, აუცილებლად უნდა გაგრძელდეს“, - განაცხადა კალაძემ.

ავტორი: ,

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას