კობახიძე აფხაზეთიდან გადმოსვენებულ გმირებზე: ასეთი ადამიანების მხრებზე დგას ჩვენი ქვეყნის დამოუკიდებლობა

2017-10-17 12:15:55, 2018 ნახვა

კომენტარი

საქართველოს პარლამენტის თავმჯდომარე ირაკლი კობახიძემ თანაგუნდელებთან ერთად, სამებაში, აფხაზეთიდან გადმოსვენებულ 25 გმირს პატივი მიაგო.

როგორც კობახიძემ ჟურნალისტებს განუცხადა, სწორედ ასეთმა ადამიანებმა მოუტანეს საქართველოს დღემდე დამოუკიდებლობა.

„დღეს პატივს მივაგებთ აფხაზეთის ომში დაღუპულ გმირებს. ჩვენ მივუსამძიმრეთ მათ ოჯახებს. ამ ადამიანებმა მოგვცეს ჩვენ მაგალითი სამშობლოს სიყვარულის, სამშობლოსთვის თავდადების, ასეთი ადამიანების მხრებზე დგას ჩვენი დამოუკიდებლობა და ჩვენი ქვეყნის ღირსება“, - განაცხადა კობახიძემ.

ცნობისთვის, სამების საკათედრო ტაძარში აფხაზეთიდან გადმოსვენებული 25 გმირის სამოქალაქო პანაშვიდი მიმდინარეობს. მათ დღეს დიღმის ძმათა სასაფლაოზე სამხედრო პატივით დაკრძალავენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები