ადვოკატთა ასოციაციის ხელმძღვანელის ზაზა ხატიაშვილის განცხადებით, პროკურატურა შემაშფოთებელ გადაწყვეტილებებს იღებს.

როგორც ხატიაშვილმა მამა გიორგი მამალაძის ადვოკატებთან ერთად გამართულ პრესკონფერენციაზე აღნიშნა, ადვოკატის კორპუსის დაშინება სურთ, ვინაიდან მათ გათქვან ინფორმაცია, რომელიც დაცვის განხორციელების პროცესში მიიღეს.

ხატიაშვილის თქმით, თუ ეს პრეცედენტი შეიქმნა, ადვოკატს უკვე შეეშინდება, კლიენტს რამე უთხრას და პირიქით.

ხატიაშვილი ამბობს, რომ ამას მთელი ძალებით შეებრძოლება.

„ერთი გაბედონ და დაკითხონ ადვოკატები, ევროსაბჭოს მისაღებში დავწვები და არ ავდგები იქედან“,-აღნიშნა ზაზა ხატიაშვილმა.

პროკურატურამ,   მსჯავრდებულ გიორგი მამალაძის სისხლის სამართლის საქმესთან დაკავშირებით, გამოძიების მონაცემების გახმაურების ფაქტებზე, საქართველოს სისხლის სამართლის კოდექსის 374-ე მუხლით გათვალისწინებული დანაშაულის ნიშნებით, გამოძიება დაიწყო.

„ბოლო პერიოდში სხვადასხვა მედია-საშუალებებში არაერთხელ გავრცელდა მსჯავრდებულ გიორგი მამალაძის სისხლის სამართლის საქმის მასალები. აღნიშნულთან დაკავშირებით, გამოძიების მონაცემების გახმაურების ფაქტებზე, საქართველოს სისხლის სამართლის კოდექსის 374-ე მუხლით გათვალისწინებული დანაშაულის ნიშნებით დაწყებულია გამოძიება. საქმეზე გამოძიებას აწარმოებს საქართველოს პროკურატურა“,-აცხადებენ მთავარ პროკურატურაში.

ავტორი: ,

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ