ესპანეთის დედაქალაქ მადრიდში ათობით ათასი მოქალაქე ესპანეთის სამეფოს დროშებით აქციას მართავს და კატალონიელებს მოუწოდებს დამოუკიდებლობისთვის ბრძოლის პროცესი შეაჩერონ, - ამის შესახებ BBC იუწყება.

მედია საშუალების ცნობით, აღნიშნული აქციის პარალელურად კატალონიაში, ავტონომიური რეგიონის მეთაურმა კარლეს პუჩდემონმა სხვადასხვა მსხვილი ორგანიზაციებისა და უნივერსიტეტების წარმომადგენლებთან შეხვედრა გამართა და მათ მიმდინარე პოლიტიკურ კრიზისში ოფიციალურ მადრიდთან მედიატორობა სთხოვა.

ცნობისთვის, კატალონია დამოუკიდებლობის გამოცხადებას 9 ოქტომბერს გეგმავს. ადგილობრივ პარლამენტში ცალმხრივად დამოუკიდებლობის გამოცხადების შესახებ კანონპროექტს კენჭი უნდა უყარონ. აღსანიშნავია, რომ ესპანეთის საკონსტიტუციო სასამართლომ შესაბამისი საპარლამენტო სხდომა და კენჭისყრა არაკანონიერად სცნო და მისი  ჩატარება აკრძალა.

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ.

ავტორი: ,

სოციალური ქსელები

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა