მიწისძვრით დაზარალებული ნეპალისთვის  გაერთიანებული ერების ორგანიზაცია 415 მილიონი დოლარის მოძიებას გეგმავს.

ამის შესახებ ინფორმაციას უცხოური მედია ავრცელებს.

მათივე ცნობით, სტიქიით დაზარალებულ ნეპალის ხელისუფლებას კრიზისთან გამკლავება უჭირს, მოსახლეობის დიდი ნაწილი კატმანდუს დატოვებას ცდილობს. ამასთან, დაზარალებულ რეგიონებში მოსახლეობა ჰუმანიტარული დახმარების მანქანებს ესხმის თავს.

შეგახსენებთ, ნეპალის დედაქალაქ კატმანდუს მახლობლად ძლიერი მიწისძვრა  რამდენიმე დღის წინ  მოხდა. დაზუსტებული მონაცემებით, მიწისქვეშა ბიძგების მაგნიტუდა 7.9 ბალს შეადგენდა. თვითმხილველთა ცნობით, დანგრეულია საცხოვრებელი შენობები და ნანგრევებში უამრავი ადამიანია მოყოლილი. ჩამონგრეულია კატმანდუს მთავარი ღირსშესანიშნაობა - 60 მეტრიანი დხარახარას კოშკი. სიტუაციას ართულებს ძლიერი განმეორებითი ბიძგები, რომელსაც დამატებით ნგრევა მოყვება.  
ბოლო მონაცემებით დაღუპულთა რაოდენობა  6 000-მდე გაიზარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს