პარტია "ევროპული საქართველოს" წევრის ირაკლი აბესაძის შეფასებით, „ქართული ოცნების“ მიერ ერთპიროვნულად მიღებული კონსტიტუცია ქვეყნის იმიჯზე უარყოფითად აისახება.

როგორც აბესაძემ აღნიშნა, მმართველმა გუნდმა მოატყუა ვენეციის კომისია, რომელმაც კონსტიტუციის პროექტს უარყოფითი შეფასება მისცა.

""ქართული ოცნება" დღეს ასრულებს საკონსტიტუციო განხილვების პროცესს და ასრულებს ისე, რომ არც ერთ ეტაპზე არ გაითვალისწინა სამოქალაქო საზოგადოების, ოპოზიციური პარტიების, საქართველოს პრეზიდენტის ერთობლივი პოზიცია და ის წერილობითი შეთავაზება, რომელიც გულისხმობდა კონსტიტუციაში საარჩევნო სისტემის უფრო დემოკრატიულად გარდაქმნას, პირდაპირ პროპორციულ საარჩევნო სისტემაზე 2020 წლისთვის გადასვლას, პრეზიდენტის პირდაპირი წესით არჩევის შენარჩუნებას. ასევე არ გაითვალისწინა, ფაქტობრივად მოატყუა, ვენეციის კომისია, რომელმაც უაღრესად უარყოფითი პოზიცია გამოხატა 2024 წლისთვის პროპორციულ საარჩევნო სისტემაზე გადავადებასთან დაკავშირებით. ეს სამწუხაროდ უარყოფითად აისახება ქვეყნის იმიჯზე", - განაცხადა დეპუტატმა.

ცნობისთვის, საკონსტიტუციო ცვლილებების პაკეტის მესამე მოსმენა, სავარაუდოდ,  ხვალ, 14:00 საათიდან, საქართველოს პარლამენტის რიგგარეშე პლენარულ სხდომაზე მოხდება. აღსანიშნავია, რომ "ევროპული საქართველო"  და "ნაციონალური მოძრაობა" სხდომას ბოიკოტს უცხადებენ.

ავტორი: ,

სოციალური ქსელები

გელა ხასაიამ სასჯელაღსრულების დაწესებულება დატოვა

პაპუაშვილი - კლანჭებიდან თავის დაღწევა ძნელია, მით უმეტეს, როცა ზურგს თვით ევროპა გიმაგრებს

რუბიო ფერფორდის საჰაერო ძალების ბაზაზე მომხდარ ინციდენტში „უცხო ქვეყნის ჩართულობაზე“ საუბრობს

ირანი ბირთვული იარაღის გავრცელების შესახებ შეთანხმებიდან გასვლას გეგმავს