თბილისის საქალაქო სასამართლომ გაიზიარა პროკურატურის მიერ წარდგენილი მტკიცებულებები და განზრახ მკვლელობის, ცეცხლსასროლი იარაღის და საბრძოლო მასალის მართლსაწინააღმდეგო შეძენა, შენახვა, ტარებაში და ქურდობაში ბრალდებული ო.მ. დამნაშავედ სცნო საქართველოს სისხლის სამართლის კოდექსის 108-ე მუხლით, 236-ე მუხლის მე-2 და მე-3 ნაწილებით და 177-ე მუხლის მე-2 ნაწილის „ა" და მე-3 ნაწილის „ა" ქვეპუნქტებით.

სასამართლო პროცესზე გამოკვლეული მტკიცებულებებით დადასტურდა, რომ 2017 წლის 13 იანვარს, დაახლოებით 16.00 საათზე, ო.მ. და კ.რ. წინასწარი შეთანხმებით, ჯგუფურად, ქ. თბილისში, გაგარინის  ქუჩის მიმდებარე ტერიტორიაზე ს.ვ.-ს კუთვნილი „ბმვ"-ს მარკის ავტომობილიდან ფარულად დაეუფლნენ ხელჩანთას, მასში არსებულ ნივთებსა და ფულად თანხას.  ო.მ.-ს და კ.რ.-ს მიერ ჩადენილი ქმედების შედეგად  ს.ვ.-ს  5 880 ლარის ზიანი მიადგა.

ჩადენილი დანაშაულიდან მეორე დღეს ო.მ.-ს და კ.რ.-ს ფარულად დაუფლებული თანხის განაწილებასთან დაკავშირებით შელაპარაკება მოუხდათ, რაც ფიზიკურ შეურაცხყოფაში გადაიზარდა. რამდენიმე საათის შემდეგ აღნიშნული პირები საკითხის გარკვევის მიზნით,  ქ. თბილისში ჟ.შარტავას ქუჩის მიმდებარე ტერიტორიაზე შეხვდნენ ერთმანეთს, რა დროსაც ო.მ.-მ მოკვლის განზრახვით კ.რ.-ს ცეცხლსასროლი იარაღიდან  გულმკერდის არეში ესროლა და შემთხვევის ადგილიდან მიიმალა. მიღებული დაზიანების შედეგად კ.რ. 15 იანვარს საავადმყოფოში გარდაიცვალა.

სამართალდამცველებმა ო.მ. 16 იანვარს ქ. თბილისში დააკავეს. მას ბრალდება სისხლის სამართლის კოდექსის 108-ე მუხლით (განზრახ მკვლელობა), 236-ე მუხლის მე-2 და მე-3 ნაწილებით (ცეცხლსასროლი იარაღის და საბრძოლო მასალის მართლსაწინააღმდეგო შეძენა, შენახვა და ტარება) და 177-ე მუხლის მე-2 ნაწილის „ა" და მე-3 ნაწილის „ა" ქვეპუნქტებით (ქურდობა, რამაც მნიშვნელოვანი ზიანი გამოიწვია, ჩადენილი წინასწარი შეთანხმებით ჯგუფის მიერ) წარედგინა და აღკვეთის ღონისძიებად პატიმრობა შეეფარდა.

თბილისის საქალაქო სასამართლომ ო.მ. სრულად სცნო დამნაშავედ წარდგენილ ბრალდებაში და დანაშაულთა ერთობლიობით სასჯელის სახედ და ზომად 11 წლით თავისუფლების აღკვეთა  განუსაზღვრა.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს