დაბა წაღვერის მიმდებარედ ტყის მასივში ცეცხლის ახალი კერები არ შეინიშნება

2017-09-25 10:47:43, 908 ნახვა

რეგიონი

ამ დროისთვის, ბორჯომის ხეობაში, დაბა წაღვერის მიმდებარედ, მთის ფერდობზე არსებულ ტყის მასივში ცეცხლის ახალი კერები არ შეინიშნება. ასევე, მკვეთრად შემცირებულია დაკვამლიანების დონეც.

დღეს დილიდან, ხანძრის ქრობის პროცესში, 3 საჰაერო ტექნიკა ჩაერთო - საქართველოს 2, აზერბაიჯანის 1, ასევე უახლოეს პერიოდში სამუშაოებში ჩაერთვება თურქეთის 2 ვერტმფრენი.

ხანძრის სალიკვიდაციო სამუშაოებს უწყვეტ რეჟიმში აგრძელებენ შსს-ს საგანგებო სიტუაციების მართვის სააგენტოს მეხანძრე-მაშველები, შსს-ს განსაკუთრებულ დავალებათა დეპარტამენტის თანამშრომლები და ეროვნული სატყეო სააგენტოს წარმომადგენლები. ისინი მთელი ღამის განმავლობაში ადგილზე დარჩნენ და კერების დამუშავების პროცესს ახორციელებდნენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები