საქართველოს პრემიერ-მინისტრი გიორგი კვირიკაშვილი ევროპის რეკონსტრუქციისა და განვითარების ბანკის პრეზიდენტ სუმა ჩაკრაბარტის და ევრობანკის გუნდს საქართველოს განვითარებისა და მთავრობის მიერ აღებული კურსის მხარდაჭერისათვის მადლობას უხდის.

EBRD-ის პრეზიდენტის ვიზიტს საქართველოში, მთავრობის მეთაური მთავრობის დღევანდელ სხდომაზე გამოეხმაურა.

გიორგი კვირიკაშვილის შეფასებით, EBRD-ი საქართველოს უმნიშვნელოვანესი პარტნიორია, რომელმაც მხოლოდ 2016 წლის განმავლობაში ქვეყანაში 17 პროექტი და 250 მილიონი ევროს ინვესტიცია განახორციელა, რაც, მათივე თქმით, უპრეცედენტო და რეკორდული მაჩვენებელია.

„ძალიან მნიშვნელოვანია მათი მხარდაჭერა ისეთ სფეროებში, როგორიც არის ენერგეტიკა, მუნიციპალური ინფრასტრუქტურა, მცირე და საშუალო ბიზნესის განვითარება; კონკრეტული პროგრამები, რომლებიც ორიენტირებულია საქართველოს ევროპასთან დაახლოების პროცესზე, არის უაღრესად მნიშვნელოვანი - კერძოდ, საქართველოს საექსპორტო პოტენციალის განვითარება, რომელიც ორიენტირებულია ევროპასთან თავისუფალი ვაჭრობის ხელშეკრულების პოტენციალის ათვისებაზე და ა.შ. ძალიან მნიშვნელოვანია, რომ ევრობანკი მხარს უჭერს ჩვენს ეკონომიკურ პოლიტიკას და ამის გამოხატულება გახლავთ სწორედ ის, რომ მათი სტრატეგია პირდაპირ მორგებულია ოთხპუნქტიანი გეგმის დღის წესრიგზე, რაც ჩვენთვის უაღრესად მნიშვნელოვანია. ასევე, პრეზიდენტმა ჩაკრაბარტიმ გააჟღერა გზავნილები, რომლებიც ეხება საქართველოს ეკონომიკური ზრდის პროგნოზებს და დაადასტურა, რომ საქართველო გადააჭარბებს ევრობანკის მიერ წინასწარ პროგნოზირებულ მაჩვენებელს, რაც ჩვენთვის ძალიან მნიშვნელოვანია. ასევე, გზავნილები, საერთაშორისო რეიტინგებში საქართველოს პოზიციებთან დაკავშირებით, რომლებიც ბოლო წლების განმავლობაში მნიშვნელოვნად გაუმჯობესდა, არის უაღრესად მნიშვნელოვანი, განსაკუთრებით ისეთი პიროვნების მხრიდან, რომელსაც საინვესტიციო სამყარო ძალიან ყურადღებით უსმენს. ამიტომ, გვინდა, დიდი მადლობა გადავუხადოთ ევრობანკის პრეზიდენტს საქართველოში ვიზიტისთვის,   EBRD -ის მთელ გუნდს და ადგილობრივ ოფისს საქართველოს განვითარების ძალიან მნიშვნელოვანი მხარდაჭერისთვის", - განაცხადა გიორგი კვირიკაშვილმა.

ავტორი: ,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა