საპარლამენტო უმრავლესობის ლიდერმა არჩილ თალაკვაძემ სხვადასხვა მიმართულებით,  2017 წლის პირველი კვარტლის შედეგებზე ისაუბრა.  

მან  სტატისტიკურ მონაცემებზე გაამახვილა ყურადღება, რომელიც დადებითი ტენდენციის მაჩვენებელია:

„2017 წლის 7 თვის განმავლობაში საგადასახადო შემოსავლები 615 მილიონი ლარით არის გაზრდილი წინა წლის ანალოგიურ პერიოდთან  შედარებით, რაც საგადასახდო შემოსავლების 12,4%-იან ზრდას ნიშნავს. საგადასახადო რეფორმის შემდეგ, ბიზნეს სექტორს რეინვესტირებისა და განვითარებისთვის 2017 წელს უკვე დარჩა 240 მლნ ლარით მეტი. 2017 წელს გაზრდილია ექსპორტი 28,9 %-ით და 2017 წლის  7 თვეში 11%-ით არის გაზრდილი ევროკავშირთან სავაჭრო ბრუნვაც. საქართველოს ეკონომიკურმა ზრდამ ამ მომენტისთვის შეადგინა 4,4%-იანი ზრდა, რაც 1%-ით მეტია საერთაშორისო სავალუტო ფონდის და მსოფლიო ბანკის საპროგნოზო მაჩვენებლებზე,კერძო სექტორის გამოშვების მაჩვენებელი 18%-ით არის გაზრდილი და კერძო სექტორში დასაქმების მაჩვენებლი 5%-ითაა გაზრდილი. საქართველოს 30,2%-ით მეტი ტურისტი ჰყავს 2017 წელს წინა წლის ანალოგიურ  პერიოდთან შდარებით. 2017 წლის პირველ კვარტალში 403 მლნ დოლარი არის პირდაპირი უცხოური ინვესტიციები, რაც წინა წლის ანალოგიურ პერიოდთან შედარებით 3,4%-ით მეტია. ასევე 60%-ითაა გაზრდილი საქართველოდან ღვინის ექსპორტი, 44 ქვეყანაში ხორციელდება ექსპორტი. განსაკუთრებული ზრდა გვაქვს ჩინეთში, საფრანგეთსა და ისრაელში. ასე რომ, მინისტრებს თუ დავიბარებთ, პირველ რიგში მხოლოდ კომპლიმენტების სათქმელად“,-განაცხადა არჩილ თალაკვაძემ.

ავტორი: ,

სოციალური ქსელები

ნეთანიაჰუ არაბთა გაერთიანებულ საემიროებს ეწვია.

იაროსლავის ოლქში, პიროტექნიკის საწყობში გაჩენილ ხანძარს 14 ადამიანი ემსხვერპლა

მოსკოვის მახლობლად მდებარე ქალაქებში ბენზინგასამართი სადგურებიდან ბენზინი გაქრობას იწყებს

საქართველოს ნაკრებისა და უკრაინის მატჩი ფრედ დასრულდა