„დარწმუნებული ვართ, ევროკავშირთან ყოვლისმომცველი დაახლოების პროცესი სიღრმისეული ინტეგრაციის ახალ პერსპექტივებსგაგვიხსნის" - ამის შესახებ საქართველოს ვიცე-პრემიერმა საგარეო საქმეთა მინისტრმა მიხეილ ჯანელიძემ ქ. ბუდაპეშტში „ვიშეგრადის ოთხეულისა" და „აღმოსავლეთ პარტნიორობის ქვეყნების" საგარეო საქმეთა მინისტრების შეხვედრის ფარგლებში გამართულ პრეს-კონფერენციაზე განაცხადა.

მან მადლობა გადაუხადა უნგრეთის თავმჯდომარეობას და ზოგადად ვიშეგრადის ქვეყნებს „აღმოსავლეთ პარტნიორობის" ურყევიმხარდაჭერისთვის. 2017 წლის 31 აგვისტოს ქ. ბუდაპეშტში გამართული პლენარული სესია მთლიანად დაეთმო „აღმოსავლეთპარტნიორობის" ნოემბრის სამიტს.

მინისტრმა იმედი გამოთქვა, რომ  სამიტი ახალ იმპულსს შესძენს „აღმოსავლეთ პარტნიორობას" დახელს შეუწყობს პრაქტიკულ შედეგებზე ორიენტირებული თანმშრომლობის შემდგომ გაღრმავებას. მიხეილ ჯანელიძის განცხადებითქვეყანა განაგრძობს საქართველო-ევროკავშირის ამბიციური დღის წესრიგის შესრულებას. „აღმოსავლეთ პარტნიორობამ"საქართველოს ბევრი რამ მისცა, აღნიშნული შედეგები კი  ქვეყნისთვის ევროკავშირში სიღრმისეული ინტეგრაციის ახალპერსპექტივებს ხსნის.

„ხვალ სამი წელი სრულდება ასოცირების შეთანხმების და თავისუფალი ვაჭრობის შესახებ შეთანხმების ამოქმედებიდან. ჩვენმართლაც ბევრი რამ მოგვცა „აღმოსავლეთ პარტნიორობამ" - წარმატებით მიმდინარეობს ევროკავშირთან პოლიტიკური ასოცირების, ეკონომიკური და  საბაზრო ინტეგრაციის პროცესი, ქართული პროდუქცია თავს იმკვიდრებს ევროპულ ბაზარზე, ევროკავშირისაქართველოსთვის გახდა ნომერ პირველი სავაჭრო პარტნიორი, მზარდი დინამიკით გამოირჩევა ინვესტიციები, საქართველოსმოქალაქეები შენგენის ტერიტორიაზე უვიზოდ გადაადგილდებიან, საქართველო გაწევრიანდა ენერგო გაერთიანებაში და ა.შ. ჩვენდარწმუნებულები ვართ, რომ ევროკავშირთან ასეთი ყოვლისმომცველი დაახლოების პროცესი სიღრმისეული ინტეგრაციის ახალპერსპექტივებს გაგვიხსნის. რა თქმა უნდა ჩვენი საბოლოო მიზანი არის ევროკავშირის სრულფასოვანი წევრობა" - აღნიშნა მინისტრმა.

მან ასევე ხაზი გაუსვა ევროკავშირისთვის „აღმოსავლეთ პარტნიორობის" მნიშვნელობას და აღნიშნა, რომ „აღმოსავლეთპარტნიორები" მნიშვნელოვან როლს თამაშობენ ევროკავშირის ეკონომიკური, ენერგეტიკული თუ ფიზიკური უსაფრთხოებისუზრუნველყოფის პროცესში. „ჩვენ ამ მიმართულებით გავაგრძელებთ თანამშრომლობას. საქართველო აღმოსავლეთ პარტნიორობისერთგულია. ეს ჩვენი საერთო პროექტი და ფართო შესაძლებლობების ჩარჩოა. აღმოსავლეთ პარტნიორებისა და ევროკავშირისთანამშრომლობა ეს არ არის ცალმხრივი გზა " - დასძინა მინისტრმა.

„ვიშეგრადის ოთხეულისა" და „აღმოსავლეთ პარტნიორობის" ქვეყნების საგარეო საქმეთა მინისტრების შეხვედრაში ასევემონაწილეობდნენ ევროკავშირის თავმჯდომარე ქვეყნის - ესტონეთის საგარეო საქმეთა მინისტრი სვენ მიკსერი და ევროპულისამეზობლო პოლიტიკისა და გაფართოების მოლაპარაკებათა საკითხებში ევროკომისარი იოჰანეს ჰანი.

მინისტერიალის ფარგლებში სამუშაო სესია დაეთმო ენერგეტიკის სფეროში თანამშრომლობის განვითარების საკითხებს.

ავტორი: ,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა