ქართველმა მეხანძრე-მაშველებმა აშშ-ის საელჩოსგან ცეცხლგამძლე ფეხსაცმელები მიიღეს

2017-08-26 02:42:47, 2426 ნახვა

საზოგადოება

საქართველოში ამერიკის შეერთებული შტატების საელჩომ ბორჯომის ხეობაში მომუშავე მეხანძრე-მაშველებს ცეცხლგამძლე ფეხსაცმელები საჩუქრად გადასცა.

თბილისის რაიონულ სამაშველო ამსახურში, საჩუქრის გადაცემის ცერმონიაზე ამერიკის ელჩის მოადგილე ელისაბეტ რუდი იმყოფებოდა.

რუდის თქმით, მაშველებმა მიმდინარე დღეებში ბორჯომის ხეობაში გმირულად იმუშავეს და საჩუქარი მადლიერების ნიშნად გადასცეს.

”აღფრთხოვანებულები ვართ ქართველი მეხანძრეების თავდადებით. ისინი ნამდვილად გმირულად მუშაობენ ბორჯომის ხეობაში ცეცხლის ჩასაქრობად. ვიცით რამდენად უნიკალური და მნიშვნელოვანია ბორჯომის ეროვნული პარკი. ჩვენ, როგორც საქართველოს ერთგულ პარტნიორს გვინდა დავეხმაროთ, ამიტომ დღეს საგანგებო სიტუაციების მართვის სააგენტოს თხოვნით, ჩვენ გადავეცით 65 000 ლარის ღირებულების 500 წყვილი სახანძრო ფეხსაცმელი. ეს ფეხსაცმლის განახლებაა, რადგან მეხანძრეებს უკვე ჰქონდათ ფეხსაცმელი. იმედი გვაქვს, რომ ეს შეუმსუბუქებს მეხანძრეებს მუშაობას და მათ უსაფრთხოებას უზრუნველყოფს. ცოტა ხნის წინ ჩვენ საგანგებო სიტუაციების მართვის სააგენტოს გადავეცით სამაშველო აღჭურვილობა, რომელიც სავარაუდოდ მათ უკვე ეხმარებათ ცეცხლთან ბრძოლაში”, - განაცხადა ელიზაბეტ რუდმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები