ეკონომიკისა და მდგრადი განვითარების სამინისტროს სსიპ  „ინოვაციებისა და ტექნოლოგიების სააგენტოსა“  და იუსტიციის სამინისტროს სსიპ  „დანაშაულის პრევენციის ცენტრს” შორის ურთიერთთანამშრომლობის მემორანდუმი გაფორმდა.  

დანაშაულის პრევენციის ცენტრის ინფორმაციით, მხარეები  სამომავლო თანამშრომლობაზე შეთანხმდნენ. 

მათივე ინფორმაციით, თბილისის ტექნოპარკში დოკუმენტს ხელი მოაწერეს ინოვაციებისა და ტექნოლოგიების სააგენტოს თავმჯდომარემ  გიორგი ზვიადაძემ და დანაშაულის პრევენციის ცენტრის დირექტორმა თათია ხოჭოლავამ. 

 მემორანდუმში აღნიშნულია, რომ საქართველოს მთავრობის რეფორმის 4-პუნქტიანი გეგმის მიხედვით, ინოვაციების ხელშემწყობი პროგრამების განხორციელება ერთ-ერთ მნიშვნელოვან მიმართულებას წარმოადგენს. 

თანამშრომლობის მიზანია ერთობლივი ღონისძიებების/პროგრამების განხორციელების გზით, დანაშაულის პრევენციის ცენტრის პროგრამების ბენეფიციარებისთვის  საინფორმაციო ტექნოლოგიების მიმართულებით პრაქტიკული ცოდნის გაღრმავება და გამოცდილების გაზიარება. 

ერთობლივ პროექტებში/პროგრამებში ჩერთვებიან სსიპ „დანაშაულის პრევენციის ცენტრის“ 29 წლამდე ასაკის ბენეფიციარები, რომლებიც ტექნოლოგიურ ინოვაციებზე  ორიენტირებულ უნარ-ჩვევებს დაეუფლებიან. 

უფრო მეტიც, აღნიშნული თანამშრომლობის თანახმად ისინი შეძლებენ საკუთარი ინიციატივების/იდეების განხორციელებასა და განვითარებას.

მხარეების შეთანხმებით იგეგმება საჯარო ლექციების, სემინარების, ტრენინგების, მასტერკლასებისა და სხვადასხვა ტიპის კონკურსების ორგანიზება დანაშაულის პრევენციის ცენტრის ბენეფიციარები სააგენტოს სასწავლო პროგრამებსა და სხვადასხვა ღონისძიებებში აქტიურად ჩაერთვებიან. 

დანაშაულის პრევენციის ცენტრის ახალგაზრდული პროგრამები არასრულწლოვანთა დანაშაულის პრევენციაზე მუშაობს. 

განსაკუთრებული ყურადღება  განათლების სისტემის მიღმა დარჩენილ არასრულწლოვნებს, ყოფილ პატიმრებსა და პატიმართა ოჯახის წევრებს, ზრუნვის სისტემიდან გასულ მოზარდებს ეთმობა.

აღსანიშნავია, რომ სსიპ  „დანაშაულის პრევენციის ცენტრსა” და სსიპ „ინოვაციებისა და ტექნოლოგიების სააგენტოს“ ურთიერთთანამშრომლობის გამოცდილება უკვე აქვთ. ახალგაზრდული პროგრამების მონაწილეებისთვის  რამდენიმე ერთობლივი ღონისძიება  უკვე გაიმართა.

სსიპ „დანაშაულის პრევენციის ცენტრი“ ახალგაზრდებთან სხვადასხვა მიმართულებით მუშაობს. 
მათ შორის არის „ყოფილ პატიმართა რეაბილიტაციისა და რესოციალიზაციის პროგრამა“, „არასრულწლოვანთა განრიდებისა და მედიაციის პროგრამა“, დანაშაულის ჩადენის რისკ ჯგუფს მიკუთვნებული მოზარდებისთვის  საგანმანათლებლო პროექტების/პროგრამების შეთავაზება და სხვა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება