2017-08-17 16:49:50, 2728 ნახვა
მსოფლიო
უკრაინის სასაზღვრო სამსახური: თუ სააკაშვილი პუნქტზე გამოცხადდება, მას უკრაინაში არ შემოვუშვებთ
უკრაინის სახელმწიფო სასაზღვრო სამსახურის ინფორმაციით, საქართველოს ყოფილ პრეზიდენტს მიხეილ სააკაშვილს საზღვარზე არ შემოუშვებენ, თუ ოდესის ოლქის ყოფილი გუბერნატორი პუნქტზე გამოცხადდება, - ამის შესახებ ინფორმაციას "უკრაინსკაია-პრავდა" სამსახურის პრესმდივანმა ოლეგ სლობოდინზე დაყრდნობით ავრცელებს.
სლობოდინის განმარტებით, თუ საზღვარს კვეთს ადამიანი, რომელსაც არამოქმედი დოკუმენტი აქვს, მას ეს დოკუმენტი ჩამოერთმევა. ამასთან, მას საზღვრის გადაკვეთაზე უარს ეტყვიან.
სეგახსენებთ, რომ გუშინ მიხეილ სააკაშვილმა აღნიშნა, რომ უკრაინის ტერიტორიაზე შესვლას პოლონეთიდან, კრაკოვეცის გამშვები პუნქტიდან 10 სექტემბერს შეეცდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
