„აქ არავითარი პრობლემა არ არსებობს, პრობლემაა რუსეთის საზღვრებთან ჩრდილოატლანტიკური ალიანსის ძალების გაფართოება“, - ასე გამოეხმაურა რუსეთის ფედერაციის პრეზიდენტის პრესმდივანი დიმიტრი პესკოვი ამერიკის შეერთებული შტატების ვიცე-პრეზიდენტის მაიკ პენსის  ესტონეთსა და საქართველოში ვიზიტს.

„პრობლემები ჩნდება მაშინ, როდესაც რუსეთის ფედერაციის საზღვრებთან ნატოს გაფართოებისთვის პროცესები იწყება. ეს სუვერენული ქვეყნებია, რომელიც საკუთარ  საგარეო პოლიტიკას საკუთარი შეხედულებებით აწყობენ. ამაში პრობლემას  ვერ ვხედავთ. პრობლემა მხოლოდ რუსეთის საზღვრებთან ჩრდილოატლანტიკური ალიანსის ძალების გაფართოებაა, რაც რა თქმა უნდა ჩვენს შეშფოთებას იწვევს“,-განაცხადა დიმიტრი პესკოვმა.

ცნობისთვის, საქართველოს აშშ-ის ვიცე-პრეზიდენტი მაიკ პენსი გუშინ, მეუღლესთან ერთად ეწვია. მან დღეს შეხვედრა გამართა საქართველოს პრემიერ-მინისტრთან და კათოლიკოს-პატრიარქ ილია მეორესთან. დღესვე მაიკ პენსი ალექსეევკას აეროპორტში პრეზიდენტ გიორგი მარგველაშვილთან ერთად, "ღირსეული პარტნიორი 2017"-ში მონაწილე სამხედრო მოსამსახურეებს სიტყვით მიმართავს. მაიკ პენსის ვიზიტი საქართველოში რამდენიმე საათში დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა