„სტრასბურგში შეარცხვინა სამჯერ საქართველო თეა წულუკიანმაო,  320 საჩივარი შედიოდა სტრასბურგში თქვენი ხელისუფლების დროს ადამიანის უფლებების დარღვევაზე, შერცხვენა ეგ იყო“,-ასე მიმართა საპარლამენტო უმრავლესობის ლიდერმა არჩილ თალაკვაძემ „ნაციონალური მოძრაობის“ წევრ სალომე სამადაშვილს პარლამენტის რიგგარეშე სხდომაზე.

„რაც შეეხება ადამიანის უფლებებს, ქალბატონო სალომე (სამადაშვილი) ადამიანის უფლებებზე თქვენ არ უნდა საუბრობდეთ, სტრასბურგში შეარცხვინა სამჯერო საქართველო თეა წულუკიანმაო, თქვენ წელიწადში 320-ჯერ არცხვენდით საქართველოს სტრასბურგში. 320 საჩივარი შედიოდა თქვენი ხელისუფლების დროს ადამიანის უფლებების დარღვევაზე, შერცხვენა ეგ იყო“,-აღნიშნა არჩილ თალკვაძემ.

მან ასევე ისაუბრა „ნაციონალური მოძრაობის“ ხელისუფლების დროს, ქვეყანაში მედიის კუთხით არსებულ ვითარებაზე:

„მედიაზე როცა ვსაუბრობთ, გაიხსენეთ, რითი დაიწყეთ. ტელევიზიებზე რეიდებით დაიწყეთ, შემდეგ ჟურნალისტებზე დაჭერებით გააგრძელეთ და  ბოლოს თეფშებზე ნადირობდით.  დღეს მედიის თავისუფლებაზე ჩვენ გველაპარაკებით, როცა დღეს მედია შეგიძლია 10 წუთში დაარეგისტრირო, ტელევიზიების რაოდენობა გაზრდილია, კრიტიკა ნახეთ ხელისუფლების მიმართ მედიის შინაარსში, ეს არის მედიის თავისუფლება და არა ის, როგორც თქვენ წარმოგედგინათ ადრე“,-მიმართა არჩილ თალაკვაძემ „ნაციონალური მოძრაობის“ წევრებს.

შეგახსენებთ, სტრასბურგის ადამიანის უფლებათა სასამართლოს მოსამართლეობის კანდიდატი სოფიო ჯაფარიძე და შოთა გეწაძე ასაკისა და არასაკმარისი გამოცდილების გამო დაიწუნეს. კიდევ ერთმა კანდიდატმა

ლადო ჭანტურიამ კი მაღალი შეფასება მიიღო და  კონკურსს გააგრძელებს.

ვინაიდან კანდიდატთა სია 3 პირისგან უნდა შედგებოდეს, მოცემული ორი კანდიდატის ნაცვლად ახალი კანდიდატების შესარჩევად ქვეყნის შიგნით კონკურსი გამოცხადდა,

ქვეყნის შიგნით გამოცხადებული კონკურსის ფარგლებში საბუთების შემოტანისთვის მსურველებს ვადა 25 აგვისტომდე ექნებათ.  
 
საქართველოს მთავრობამ ადამიანის უფლებათა ევროპულ სასამართლოში საქართველოდან ასარჩევი მოსამართლეობის სამი კანდიდატი 1 მაისს შეარჩია. კანდიდატები იმ ხუთკაციანი სიიდან შეირჩნენ, რომელიც მთავრობას სათათბირო ორგანომ −  სპეციალურად ამ მიზნისათვის შექმნილმა სამთავრობო კომისიამ, წარუდგინა.

მთავრობამ წარდგენილი ხუთი კანდიდატიდან შემდეგი სამი პირი შეარჩია:
ლადო ჭანტურია, სოფიო ჯაფარიძე შოთა გეწაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო