ელექტრონული მუსიკის ფესტივალ “GEM FEST”-ზე საგანგებო სიტუაციების კოორდინაციისა და გადაუდებელი დახმარების ცენტრი პირველადი სამედიცინო დახმარების მიწოდებას  სადაზღვევო კომპანია „არდის“ მხარდაჭერით უზრუნველყოფს.

აღნიშნულის შესახებ მემორანდუმს ხელი საგანგებო სიტუაციების კოორდინაციისა და გადაუდებელი დახმარების ცენტრის ხელმძღვანელმა, ავთანდილ თალაკვაძემ და სადაზღვევო კომპანია „არდის“ დირექტორმა, მიხეილ ჯაფარიძემ მოაწერეს.

ელექტრონული მუსიკის ფესტივალზე გადაუდებელი დახმარების სამი პუნქტი მოეწყო და სასწრაფო დახმარების სამი ეკიპაჟი სხვადასხვა ლოკაციაზე განთავსდა. ფესტივალის ვიზიტორებს პირველადი სამედიცინო დახმარება ადგილზევე სადღეღამისო რეჟიმში მიეწოდებათ, საჭიროების შემთხვევაში კი, მათ ჰოსპიტალიზაციას სასწრაფო დახმარების ეკიპაჟები უზრუნველყოფს.

მუსიკალურ ფესტივალზე სამედიცინო პუნქტების გამართვამდე პერსონალმა სპეციალური სწავლებაც გაიარა. ტრენინგი ჯანდაცვის სამინისტროს ეროვნული სასწავლო ცენტრის ბაზაზე ჩატარდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც