„დღევანდელი  ტურბულენტური და ხშირ შემთხვევაში არაპროგნოზირებადი  საერთაშორისო  გარემო გახლავთ უდიდესი გამოწვევებისა და რისკების წყარო, განსაკუთრებით ისეთი პატარა ქვეყნისთვის  როგორიც საქართველოა“, - ამის შესახებ პრემიერ-მინისტრმა გიორგი კვირიკაშვილმა  „ამბასადორიალი 2017“-ის გახსნაზე სიტყვით გამოსვლისას განაცხადა.

პრემიერმა დიპლომატიურ კორპუსს გაწეული შრომისთვის მადლობა გადაუხადა და აღნიშნა, რომ ისინი ქვეყნის საერთაშორისო წარმატების გარანტი არიან.

„მივესალმები დიპლომატიური კორპუსის წარმომადგენლებს. თქვენ ნამდვილად უმნიშვნელოვანესი როლი გაკისრიათ ჩვენი  ქვეყნის წინსვლის საქმეში, მინდა ვისარგებლო შემთხვევით და დიდი მადლობა გადაგიხადოთ ძალიან, მძიმე და მნიშვნელოვანი შრომისთვის, რომელსაც თქვენ ეწევით და  თქვენ ბრძანდებით გარანტი ჩვენი  ქვეყნის საერთაშორისო  წარმატების. დღევანდელი  ტურბულენტური და ხშირ შემთხვევაში არაპროგნოზირებადი  საერთაშორისო  გარემო გახლავთ უდიდესი გამოწვევებისა და რისკების წყარო, განსაკუთრებით ისეთი პატარა ქვეყნისთვის  როგორიც საქართველოა.

ამგვარ გარემოში  საფრთხეების თავიდან აცილება და თითოეული  შესაძლებლობის გამოყენება  კიდევ  უფრო დიდ მნიშვნელობას იძენს ჩვენი ქვეყნის წარმატებული განვითარებისთვის.

ნებისმიერი სახელმწიფოსთვის ის ფაქტი, რომ  წარმატებით გაუმკლავდეს საერთაშორისო გამოწვევებს რა თქმა უნდა  მნიშვნელოვანია  და ამ საქმეში დიპლომატიის როლი არის  განსაკუთრებული. საქართველოს შეუძლია იამაყოს რომ ჰყავს ძალიან მაღალპროფესიონალი და პატრიოტულად განწყობილი  დიპლომატიური კორპუსი“,-განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს