ჩრდილოატლანტიკური ალიანსის გენერალური მდივნის, იენს სტოლტენბერგის განცხადებით, ნატო ცხინვალის რეგიონსა და აფხაზეთს დამოუკიდებელ სახელმწიფოებად არ აღიარებს.

როგორც სტოლტენბერგმა აღნიშნა, ნატო-რუსეთის საბჭოს სხდომაზე დღეს საქართველოს საკითხი არ განხილულა, თუმცა ეს იმას არ ნიშნავს, რომ ალიანსი ოკუპირებულ ტერიტორიებზე შექმნილი ვითარების გამო არ წუხს.

„ჩვენ საქართველოს საკითხი ნატო-რუსეთის საბჭოს სხდომაზე დღეს არ განგვიხილავს, მაგრამ ეს იმას არ ნიშნავს, რომ იმ ვითარებით შეწუხებული არ ვართ, რაც ხდება. საქართველოს ტერიტორიულ მთლიანობასა და სუვერენიტეტს ვაღიარებთ. ცხინვალის რეგიონსა და აფხაზეთს დამოუკიდებელ სახელმწიფოებად არ ვაღიარებთ. ვითარებით შეშფოთებული ვართ, რაც ხდება. ნატო საქართველოს პრაქტიკულ და პოლიტიკურ მხარდაჭერას უწევს. არსებითი პაკეტი გვაქვს”, - აღნიშნა სტოლტენბერგმა.

ცნობისთვის, ნატო-რუსეთის საბჭოს სხდომა ხუთი საათის განმავლობაში მიმდინარეობდა. სხდომაში რუსეთის ელჩიც მონაწილეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო