ე.წ. ფოტოგრაფების საქმეზე პარლამენტის იურიდიულ საკითხთა კომიტეტის თავმჯდომარე ეკა ბესელია დაიკითხა, რომელიც ფოტორეპორტიორის, გიორგი აბდალაძის ინტერესების დამცველი იყო.

პროკურორ ემზარ გაგნიძის თქმით, ბესელიამ ისაუბრა იმ ფაქტობრივ გარემოებებთან დაკავშირებით, რომელშიც გიორგი აბდალაძეს იძულებით აღიარებითი ჩვენების მიცემა მოუწია.

"კონკრეტულად, ეკა ბესელიამ ისაუბრა, რომ მე-8 დაწესებულებაში, როდესაც იგი ხვდებოდა თავის ინტერესების დაცვის ქვეშ მყოფ პიროვნებას, მათი საუბრები იწერებოდა, რაზეც თვითონ გიორგი აბდალაძე ესაუბრებოდა მას. ასევე გიორგი აბდალაძემ უთხრა, როგორ დაემუქრა იმ დროინდელი ციხის ადმინისტრაციის ხელმძღვანელობა, კონკრეტულად ალექსანდრე მუხაძე და სხვადასხვა თანამდებობის პირები, მის დაქვემდებარებაში მყოფი პირები. ეკა ბესელიამ ისაუბრა, რომ თუკი იგი არ შეწყვეტდა შიმშილობას, სხვა თანამესაკნეების გაუპატიურებით დაემუქრა ალექსანდრე მუხაძის ნდობით აღჭურვილი ერთ-ერთი ხელმძღვანელი პირი. ასევე ეკა ბესელიამ ისაუბრა იმ ფსიქოლოგიური ზეწოლის  განხორციელების ფორმებზე, თუ რა ვითარებაში ხდებოდა იძულებითი აღიარებითი  ჩვენების მიცემა გიორგი აბდალაძისგან. უშუალოდ კი აბდალაძემ უთხრა ბესელიას ერთ-ერთი შეხვედრის დროს, რომ მას ემუქრებოდნენ  ოჯახის წევრებით",-აღნიშნა პროკურორმა.

რაც  შეეხება კონკრეტულ პიროვნებებს, ვინც ახორციელებდა ფსიქოლოგიურ ზეწოლას,  პროკურორის თქმით, ეკა ბესელიამ ისაუბრა, რომ როგორც აბდალაძისგან იცის, ესენი იყვნენ კონტრდაზვერვის თანამშრომლები, რომლებიც არაერთხელ ინტენსიურად შედიოდნენ ღამის საათებში, არასამუშაო დროს და ახდენდნენ ფსიქოლოგიურ ზეწოლას.

მოცემულ საქმეზე სხდომა ბრალდებულის დაკითხვის ნაწილში დაიხურა.

"რაც შეეხება უკვე ბრალდებულის დავით დევნოზაშვილის დაკითხვას, ამ ნაწილში დაცვის მხარემ დააყენა შუამდგომლობა პროცესის დახურვასთან დაკავშირებით, მათ მიუთითეს, რომ შესაძლოა ყოფილიყო რაიმე ისეთი გაჟღერებული , რომელიც სახელმწიფო საიდუმლოების შესახებ კანონის შემცველი ყოფილიყო. ამიტომ ამ ნაწილში სხდომა დაიხურა. თუმცა, დახურვის რეალური საფუძველი არ არსებობდა",-განაცხადა ემზარ გაგნიძემ და დასძინა, რომ საქმეზე გამამართლებელი განაჩენი უნდა დადგეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

განათლების სამინისტრო - ინფორმაცია სკოლის ტერიტორიების გასხვისებასთან დაკავშირებით, არის სრული სიცრუე

ეროვნული ბანკი სესხების გაცემის წესი გამკაცრებას „მაღალი ეკონომიკური ზრდითა და შედეგად გაზრდილი ხელფასებით“ ხსნის

სესხების გაცემის წესი მკაცრდება

El Mundo: რუსეთის სადაზვერვო სამსახურები შეერთებულ შტატებში ოპოზიციის წარმომადგენლების, კასპაროვისა და პონომარევის მკვლელობას გეგმავდნენ