კობახიძე: თვითმმართველობის რეფორმასთან დაკავშირებით, არასამთავრობოებმა კონტრარგუმენტების წარმოდგენა ვერ მოახერხეს

2017-07-05 11:57:31, 2694 ნახვა

პოლიტიკა კომენტარი

ირაკლი კობახიძე ადგილობრივი თვითმმართველობის კოდექსთან დაკავშირებით, არასამთავრობო ორგანიზაციების პრეზიდენტისადმი მოწოდებას ეხმაურება.

„ჩვენ არასამთავრობო ორგანიზაციებს ვთხოვეთ, წარმოედგინათ არგუმენტები, კონტრარგუმენტები თვითმმართველობის რეფორმასთან დაკავშირებით და მათ ვერ მოახერხეს ასეთი კონტრარგუმენტების წარმოდგენა. აქედან გამომდინარე ეს პოზიცია ჩვენთვის არის, რბილად რომ ვთქვათ, გაუგებარი. შესაბამისად, ჩვენთვის, ბუნებრივია, მოსაწონი ვერ იქნება ასეთი მიმართვა პრეზიდენტის მიმართ“, - განაცხადა კობახიძემ.

ამასთან, მან კიდევ ერთხელ აღნიშნა, რომ ადგილობრივი თვითმმართველობის არჩევნებისთვის თითოეული ოლქი კანონმდებლობის შესაბამისად შეიქმნება.

ცნობისთვის, არასამთავრობო ორგანიზაციებმა პრეზიდენტს მიმართეს, თვითმმართველობის კოდექსში შესულ ცვლილებებს ვეტო დაადოს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან