ფრაქცია „ქართული ოცნების“ თავმჯდომარის მამუკა მდინარაძის განცხადებით, კახი კალაძის კანდიდატურა თბილისის მერის პოსტზე უალტერნატივოა.

მდინარაძე დარწმუნებულია, რომ კალაძე წარმატებული მერი იქნება, რადგან მას ამის პოტენციალი აქვს.

„ღრმად ვარ დარწმუნებული, როგორც ის იყო წარმატებული სპორტში, ენერგეტიკაში და ყველა სფეროში, სადაც კი, ის იყო ზოგადად, ისეთივე წარმატებული იქნება თბილისის მერის თანამდებობაზე და თბილისი იქნება საერთოდ ახალი ბრენდი. თბილისს ეს ადამიანი დიდ წარმატებას მოუტანს, რადგან მას ამის პოტენციალი ნამდვილად გააჩნია“, - აღნიშნა მდინარაძემ.

რაც შეეხება საარჩევნო შტაბის უფროსს, დეპუტატის თქმით, ამის შესახებ ინფორმაცია საზოგადოებისთვის უახლოეს მომავალში გახდება ცნობილი.

„ჯერჯერობით ამის შესახებ ინფორმაციას არ გავახმოვანებთ, რადგან მიდის მსჯელობა. უახლოეს დღეებში შტაბის დაკომპლექტების შესახებ ინფორმაცია გექნებათ. კანდიდატები რა თქმა უნდა არსებობენ და მათ შესახებ მომდევნო დღეებში გაიგებთ“, - განაცხადა მდინარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო