გერმანიის პარლამენტმა ერთი და იმავე სქესის მქონე პირთა ქორწინება დააკანონა

2017-06-30 12:35:04, 3077 ნახვა

მსოფლიო

გერმანიის პარლამენტმა ერთი და იმავე სქესის მქონე პირთა ქორწინების უფლება დააკანონა.

ბუნდესტაგის მიერ მიღებული კანონის თანახმად, ჰომოსექსუალ პირებს ჰეტეროსექსუალი ადამიანების მსგავსი უფლებები ექნებათ და ქორწინებასთან ერთად ბავშვის აყვანაც შეეძლებათ.

კანონპროქტს მხარი 393-მა დეპუტატმა დაუჭირა, 226 წინააღმდეგ წავიდა, 4-მა კი თავი შეიკავა. სოციოლოგიური გამოკითხვების თანახმად, გერმანიის მოსახლეობის ორი მესამედი აღნიშნულ საკითხს ემხრობა. კენჭისყრის შემდეგ, გერმანიის კანცლერმა, ანგელა მერკელმა განაცხადა, რომ კანონპროექტს მხარი არ დაუჭირა, თუმცა კენჭისყრა ქვეყანაში მშვიდობასა და სოციალურ ინტეგრაციას შეუწყობს ხელს.

ერთნაირსქესიანთა ქორწინების უფლება მსოფლიოს მასშტაბით 20-ზე მეტ ქვეყანაშია დაკანონებული

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან