მიხეილ ჯანელიძე: ძალიან მცირეა შემთხვევები, როცა საქართველოს მოქალაქეებს ევროკავშირსა და შენგენის ზონაში შესვლაზე უარი ეთქვათ

2017-06-30 12:34:39, 2213 ნახვა

პოლიტიკა

საგარეო საქმეთა მინისტრმა მიხეილ ჯანელიძემ საქართველო-ევროკავშირს შორის უვიზო მიმოსვლის ამოქმედებიდან გასული 90 დღე შეაფასა.

მისი თქმით, პროცესი შეფერხებების გარეშე მიმდინარეობს, რაც ძალიან მნიშვნელოვანია.

მინისტრის ინფორმაციით, უკვე უვიზო მიმოსვლით დაახლოებით, 37 000-მა საქართველოს მოქალაქემ ისარგებლა.

ჯანელიძის განმარტებით, ძალიან მცირეა შემთხვევები, როცა საქართველოს მოქალაქეებს, ევროკავშირსა და შენგენის ზონაში შესვლაზე უარი ეთქვათ.

„ეს ადასტურებს იმას, რომ საქართველო აგრძელებს პასუხისმგებლობით ამ პროცესისადმი მიდგომას. ასევე ნაბიჯების გადადგმას, რომელიც უზრუნველყოფს წარმატებულად ამ რეჟიმის ფუნქციონირებას და ჩვენ მოველით, რომ მომაავლში ეს ასევე წარმატებით გაგრძელდება“,-აღნიშნა მიხეილ ჯანელიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან