2017-06-28 13:23:34, 2870 ნახვა
მსოფლიო
ესპანეთში, დიდი ბრიტანეთსა და გერმანიაში ISIS-თან კავშირში მყოფი 6 პირი დააკავეს
ესპანეთის, დიდი ბრიტანეთის და გერმანიის სამართალდამცველმა ორგანოებმა მასშტაბური სპეცოპერაცია ჩაატარეს, რის შედეგადაც 6 ადამიანი დააკავეს, რომლებიც ტერორისტული დაჯგუფება "ისლამური სახელმწიფოს" წევრობაში არიან ეჭვმიტანილი, - ამის შესახებ Jpost იუწყება.
მედია საშუალების ინფორმაციით, დაჯგუფების წევრები აუდიოვიზუალური მასალების გავრცელებაში არიან ეჭვმიტანილები.
გარდა ამისა, სამართალდამცველების თქმით, ისინი მოზარდებთან ფარულ შეხვედრებს ახორციელებდნენ და რადიკალურ ექსტრემიზმის პროპაგანდას აწარმოებდნენ.
მედიის ცნობით, ესპანეთში 4 ადამიანი დააკავეს, დიდ ბრიტანეთში 1, ასევე ერთი პირია დაკავებული გერმანიაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
