2017-06-26 21:06:10, 2087 ნახვა

---

EMC: მთავრობა აზერბაიჯანელ ჟურნალისტებსა და აქტივისტებს ლტოლვილის სტატუსისა და ბინადრობის ნებართვის გაცემაზე უარს უცხადებს

ადამიანის უფლებების სწავლებისა და მონიტორინგის ცენტრის ინფორმაციით, აზერბაიჯანიდან დევნილი ჟურნალისტების, სამოქალაქო და პოლიტიკური აქტივისტების (8 პირის) საქმეების პირველადი ანალიზი აჩვენებს, რომ საქართველოს მთავრობა აზერბაიჯანელ ჟურნალისტებსა და აქტივისტებს 2016 წლიდან  უარს  უცხადებს ლტოლვილის სტატუსისა(პოლიტიკოსების დაშგინ აღალარლის დამისი შვილის ორჰან აღალარლის საქმე)და ბინადრობის ნებართვის(ჟურნალისტების - ლეილა მუსტაფაევას, გიულნურ ქაზიმოვას, გიუნელ  მევლუდ იმანოვას საქმეები) გაცემაზე, რაც ამავე პერიოდში აზერბაიჯანში აქტივისტების მიმართ მთავრობის ისედაც რეპრესიულიპოლიტიკის გამკაცრებას სიმპტომატურად ემთხვევა.

 მათივე ცნობით, აზერბაიჯანიდან დევნილი ჟურნალისტებისა და აქტივისტებისთვის ლტოლვილის სტატუსის, ან ბინადრობის ნებართვის გაცემაზე უარს საქართველოს შესაბამისი უწყებები ეროვნული უსაფრთხოების დაცვის ზოგადი ინტერესით ხსნიან:

„რომლის შემოწმება უსაფრთხოების სამსახურების შესაბამისი დასკვნის საიდუმლო ბუნების გამო თითქმის შეუძლებელია.ანგარიშში შესწავლილ საქმეებში ასევე ჩანს,  საქართველოს ტერიტორიაზე მყოფი ჟურნალისტებისა და აქტივისტების დევნისა დაშევიწროების ფაქტები(ჟურნალისტების -გიულნურ ქაზიმოვას, ლეილა მუსტაფაევას, აფგან მუხთარლის და აქტივისტის - ვიდადი ისგანდაროვის საქმეები), რომელსაც მათი თქმით, აზერბაიჯანის ხელისუფლებასთან დაკავშირებული პირები უნდა ახორციელებდნენ. აღნიშნულ ინციდენტებზე საქართველოს სამართალდამცავი ორგანოები ეფექტიანად რეაგირებას დემონსტრაციულად არ უზრუნველყოფენ, მათ შორის, მუქარის, დევნისა და ფიზიკური ანგარიშსწორების შემთხვევები ამ დრომდე არ არის  ეფექტიანად გამოძიებული.ცალკეულ შემთხვევებში ჩნდება ეჭვები საქართველოსა და აზერბაიჯანის სამართალდამცავ სტრუქტურებს შორის არაფორმალური თანამშრომლობის შესახებ, რაც ყველაზე მაღალი კრიტიკულობით აფგან მუხთარლის იძულებითი გაუჩინარებისა და ჯამალ ალისთვის საქართველოში შემოსვლის აკრძალვის საქმეებში გამოჩნდა.
ზემოთ აღნიშნულის გათვალისწინებით, არსებითია საქართველოს მთავრობამ გაიაზროს პროცესების კრიტიკული მნიშვნელობადა  აზერბაიჯანიდან დევნილი ჟურნალისტებისა და აქტივისტებისთვის საქართველოში ლეგალური ცხოვრებისა და უსაფრთხო საქმიანობის პირობების შექმნა უზრუნველყოს“,-ნათქვამია ადამიანის უფლებების სწავლებისა და მონიტორინგის ცენტრის მიერ გავრცელებულ ინფორმაციაში. 

 EMC საქმეების პირველადი ანგარიშის პრეზენტაციას ფონდი ღია საზოგადოება საქართველოს ოფისში,  ხვალ, 10:30 საათზე გამართავს.

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი