პირველად ბათუმში, 25 ივნისს, ზღვის პირას, ბულვარის კოლონადების მიმდებარე ტერიტორიაზე, სანახაობრივი ავია შოუ გაიმართა.

აჭარის მთავრობის პრესსამსახურის ინფორმაციით, ლატვიური კომპანიის "Baltic Bees Jet Team Professional Civilian Jet Team" ავიაპილოტაჟით შესრულებული მრავალფეროვანი შოუ ბათუმში „FlyFest Georgia"-ს ფარგლებში შედგა.

მათივე ინფორმაციით,  30 წუთიან სანახაობაში ხუთი საჰაერო ხომალდი მონაწილეობდა.

შოუს ბულვარში ადგილობრივ მოსახლეობასთან და ტურისტებთან ერთად ბათუმში მეზღვაურთა დღესთან დაკავშირებით მყოფი უცხოელი სტუმრებიც შეუერთდნენ.

 ავია შოუს აჭარის მთავრობის თავმჯდომარე ზურაბ პატარაძე ოჯახთან ერთად დაესწრო.

ბათუმამდე ერთი დღით ადრე "ბალტიელმა ფუტკრებმა" თბილისში, ნატახტარის აეროპორტში მოაწყვეს თავიანთი ოსტატობის დემონსტრირება.

ბათუმში ღონისძიება აჭარის მთავრობის, აჭარის განათლების, კულტურისა და სპორტის სამინისტროს მხარდაჭერით გაიმართა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დახმარებას დაგვპირდნენ - დიუშენის სინდრომის მქონე ბავშვების მშობლები საპატრიარქოს წარმომადგენლებს შეხვდნენ

საბურთალოზე კაცი მოკლეს

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა

დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO