იუსტიციის უმაღლესი საბჭოს 4 ახალი წევრი აირჩიეს

2017-06-24 15:26:14, 2541 ნახვა

სამართალი

მოსამართლეთა კონფერენციაზე იუსტიციის უმაღლესი საბჭოს 4 ახალი წევრი აირჩიეს.

წარდგენილი 7 კანდიდატიდან მოსამართლეთა ყველაზე მეტი ხმა მიიღეს: დიმიტრი გვრიტიშვილმა, ირაკლი შენგელიამ, ირაკლი ბონდარენკომ და ვასილ მშვენიერაძემ.

აღნიშნული მოსამართლეები უფლებამოსილების განხორციელებას 26 ივნისიდან შეუდგებიან.

ცნობისთვის, ახლადარჩეული წევრები იუსტიციის უმაღლეს საბჭოში ლევან მურუსიძეს, თამარ ალანიას, შოთა გეწაძეს და მერაბ გაბინაშვილს ჩაანაცვლებენ. შეგახსენებთ, რომ მათ უფლებამოსილების 4 წლიანი ვადა ამოეწურათ.

მოსამართლეთა კონფერენციაზე დღეს საბჭოს მოსამართლე წევრებიდან საბჭოს მდივანს აირჩევენ. რიგგარეშე კონფერენციის ბოლოს სადისციპლინო კოლეგიის წევრების არჩევაც არის დაგეგმილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან