„ჩვენ არ გავურბივართ სამართლიან კრიტიკას“, - ამის შესახებ უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძემ, მოსამართლეთა რიგგარეშე კონფერენციის დაწყებამდე ჟურნალისტებს განუცხადა.

როგორც გვენეტაძემ აღნიშნა, ბოლო 4 წლის განმავლობაში საბჭომ წინ წარმატებული ნაბიჯები გადადგა.

"ბუნებრივია კრიტიკის შემცირებასაც ველოდებით. ჩვენ არ გავურბივართ სამართლიან კრიტიკას. მზად ვართ ეს კრიტიკა გავიზიაროთ. მოგეხსენებათ წინა 4 წლის განმავლობაში საბჭოს სხდომები აბსოლუტურად ღია იყო, ნებისმიერ დაინტერესებულ პირს ჰქონდა საშუალება დასწრებოდა საბჭოს და მოესმინა მსჯელობა. შეიძლება ის არ იყო კმაყოფილი ყველა მიღებული გადაწყვეტილებით, მაგრამ ამ მხრივ საბჭოს ნამდვილად აქვს წინსვლა და ის სრულიად გახსნილია. არასამთავრობოების მიერ ასევე საბჭოს მუშაობის მონიტორინგი ხორციელდება და ვფიქრობ, რომ საბჭოს გარკვეული წარმატებები ამ 4-ელიან პერიოდში მაინც გააჩნდა", - განაცხადა ნინო გვენეტაძემ.

ცნობისთვის, იუსტიციის უმაღლეს სკოლაში მოსამართლეთა რიგგარეშე კონფერენცია მიმდინარეობს. შეხვედრაზე იუსტიციის უმაღლესი საბჭოს ოთხი ახალი წევრი, საბჭოს მდივანი და სადისციპლინო კოლეგიის მოსამართლე წევრები უნდა აირჩიონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა