2017-06-24 11:40:38, 2837 ნახვა
მსოფლიო
საუდის არაბეთის ხელისუფლებამ მექაში დაგეგმილი ტერაქტი აღკვეთა
საუდის არაბეთის ხელისუფლებამ მექაში დაგეგმილი ტერაქტი აღკვეთა, - ამის შესახებ BBC იუწყება.
მედია საშუალების ინფორმაციით, ტერორისტების სამიზნე წმინდა ქალაქ მექაში მდებარე მეჩეთი, ალ-ჰარამი იყო.
ტერორისტულ აქტში ეჭვმიტანილმა პირმა მეჩეთის გვერდით მდებარე, ალყაშემორტყმულ შენობაში თავი აიფეთქა, რის შედეგადაც 11 ადამიანი დაშავდა.
საუდის არაბეთის შინაგან საქმეთა სამინისტროს ინფორმაციით, ტერაქტის ორგანიზებაში ეჭვმიტანილი კიდევ 5 ადამიანი დააკავეს.
ამ დროისთვის უცნობია, რომელი ტერორისტული დაჯგუფების ორგანიზებით უნდა მომხდარიყო ტერაქტი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
