ადვოკატ გიორგი ფანცულაიას განცხადებით, როგორც მისთვის ცნობილია, მამალაძის ოჯახის წევრებისა და პატრიარქის შეხვედრის არამხოლოდ აუდიო, ვიდეო ჩაწერაც ხდებოდა, ამიტომ ფიქრობს, რომ ვიდეო ჩანაწერიც უნდა გასაჯაროვდეს.

როგორც ფანცულაიამ აღნიშნა, აუდიო ჩანაწერში ვიზუალური ეფექტები არ ჩანს. მაგალითად ადვოკატის თქმით, აუდიოჩანაწერში არ გამოჩნდება, უწმინდესი როგორ გაოცებით უსმენდა თორნიკე მამალაძეს, როცა ის სიმართლეს ყვებოდა.

„როგორც ჩემთვის ცნობილია, იყო არამხოლოდ აუდიო, ვიდეო ჩაწერაც. თუ გასაჯაროვებაა, სრულიად უნდა გასაჯაროვდეს. მამა დავით ჭინჭარაული ხელით როგორც აჩერებდა დეკანოზის ძმას, აუდიოჩანაწერში არ გამოჩნდება, არც ის გამოჩნდება უწმინდესი როგორ გაოცებით უსმენდა თორნიკე მამალაძეს, როცა სიმართლეს ეუბნებოდა. აქედან გამომდინარე არ ვიცით აუდიოჩანაწერები სრულია თუ არა, არც ის ვიცით ვიდეო ჩანაწერი რატომ არ არის. კითხვის ნიშნები აქედანვე მიჩნდება“, - განუცხადა ჟურნალისტებს გიორგი ფანცულაიამ.

შეგახსენებთ, საპატრიარქომ დეკანოზ გიორგი მამალაძის ოჯახის წევრებისა და პატრიარქის შეხვედრის აუდიოჩანაწერი გამოაქვეყნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო