საქართველოს მთავრობამ წინა სხდომაზე კანონპროექტი დაამტკიცა, რომელიც  აღკვეთის ღონისძიების  საკითხში ცვლილებებს ითვალისწინებს.  ამის შესახებ ინფორმაცია ჟურნალისტებს იუსტიციის მინისტრის მოადგილე ალექსანდრე ბარამიძემ მიაწოდა. ბრამიძის განმარტებით, ცვლილებების მიხედვით, სასამართლოს დაეკისრება ვალდებულება,  დაასაბუთოს ხოლმე კონკრეტულ მტკიცებულებაზე მითითებით, რატომ გამოიყენა, ან შეცვალა აღკვეთის ღონისძიების სახით პატიმრობა. გარდა ამისა, სასამართლოსვე დაეკისრება ვალდებულება,  2 თვეში ერთხელ თავისი ინიციატივით გადასინჯოს გამოყენებული აღკვეთის ღონისძიების მიზანშეწონილობა.
"მინდა მოგაწოდოთ ინფორმაცია ორი უმნიშვნელოვანესი კანონპროექტის შესახებ, რომლებზეც მთავრობამ წინა სხდომებზე იმსჯელა და დაამტკიცა. ერთი ეხება აღკვეთის ღონისძიების საკითხში ფაქტობრივად,  რევოლუციურ ცვლილებებს, რომელთა თანახმად,  სასამართლოს დაეკისრება ვალდებულება, რომ დაასაბუთოს ხოლმე კოკრეტულ მტკიცებულებაზე მითითებით რატომ გამოიყენა, ან შეცვალა აღკვეთის ღონისძიების სახით პატიმრობა. ასევე სასამართლოსვე დაეკისრება ვალდებულება, რომ 2 თვეში ერთხელ თავისი ინიციატივით გადასინჯოს გამოყენებული აღკვეთის ღონისძიების მიზანშეწონილობა",-განაცხადა ალექსანდრე ბარამიძემ.
მისივე ინფორმაციით, მთავრობამ ასევე დაამტკიცა  კანონპროექტი, რომელიც ნარკოტიკული საშუალებების გასაღებასა და შეძენა-შენახვას შორის სისხლისსამართლებრივი პასუხისმგებლობის გამიჯვნას ეხება.
" შესაბამისად სანქციებიც იქნება სხვადასხვა",-დასძინა ალექსანდრე ბარამიძემ.
კანონპროექტები პარლამენტში უკვე წარდგენილია და მათი განხილვა მიმდინარე კვირაში დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10-ჯერ მეტი MR ქულა მაისში - „თეგეტა მოტორსში“ AmEx ბარათით გადახდა უკვე შესაძლებელია

კალაძე აშშ-სთან ურთიერთობის გადატვირთვაზე: კობახიძეს რუბიოსთან სატელეფონო საუბარი ჰქონდა, მაისში დელეგაციასაც ველოდებით, პოზიტიური მოლოდინები გვაქვს

ქუთაისში დაჭრილი კაცი კლინიკაში გარდაიცვალა, ორი პირი დააკავეს

რუსეთმა ოდესაზე მასშტაბური დარტყმა განახორციელა