ჩიხრაძე კობახიძის შემოთავაზებაზე: დიალოგი უნდა მოხდეს საზოგადოებასთან და არა ტელევიზიაში

2017-06-19 13:26:11, 2429 ნახვა

პოლიტიკა საზოგადოება კომენტარი

პრეზიდენტის მრჩეველი ფიქრია ჩიხრაძე პარლამენტის თავმჯდომარის შეთავაზებას, საკონსტიტუციო პროექტზე პირდაპირ ეთერში მსჯელობასთან დაკავშირებით, პასუხობს.

როგორც ჩიხრაძემ აღნიშნა, პრეზიდენტის ადმინისტრაცია დიალოგისთვის მზად არის, თუმცა თვლის, რომ შეხვედრა რეზიდენციაში უნდა მოხდეს.

"დიალოგი უნდა მოხდეს საზოგადოებასთან და არა, ვთქვათ ტელევიზიაში ჩამომდგარი ორი თანამდებობის პირი ელაპარაკებოდეს ვინმეს. დიალოგისთვის ყოველთვსი მზად ვიყავით და დღესაც მზად ვართ. თუ არ აქვთ რესურსი, რომ დიალოგში შემოვიდნენ ეს ისედაც ცხადი იყო მთელი ამ ხნის განმავლობაში, ახლა უფრო ცხადი გახდება მათი ქმედებებიდან გამომდინარე. როდესაც საქმეზე ველაპარაკებით, ისინი სულ სხვა მიმართულებით ლაპარაკობენ. კიდევ ერთხელ ხაზს ვუსვამ - ეს არის ურთულესი საკითხი და მას ძალიან სერიოზულად ვეკიდებით", - განაცხადა ჩიხრაძემ.

შეგახსენებთ, რომ საქართველოს პარლამენტის თავმჯდომარე ირაკლი კობახიძემ პრეზიდენტ გიორგი მარგველაშვილს კონსტიტუციური კანონის პროექტის შესახებ მსჯელობა პირდაპირ ეთერში შესთავაზა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან