ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი რეპერების გამოკითხვის საფუძველზე, პროკურატურაში დაწყებულ გამოძიებას გამოეხმაურა.

როგორც სუბარმა თემის კომენტირებისას აღნიშნა, ის გამოძიების დასრულებამდე პოლიციელებისთვის უფლებამოსილების შეჩერების საჭიროებას ვერ ხედავს:

„პროკურატურაში გამოძიება მიმდინარეობს ორი სხვადასხვა მიმართულებით- ერთი მიმართულება არის, ჰქონდათ თუ არა ამ ბიჭებს დიდი რაოდენობით ნარკოტიკი და მეორე,  ჰქონდა თუ არა მათ მიმართ პოლიციელების მხრიდან უფლებამოსილების გადამეტებას ადგილი. ორივე მიმართულებით მიდის ძიება და სანამ გამოძიება დამთავრდება, ორივე მიმართულებით არსებობს ლეგიტიმური ეჭვები.  ვერ გამოვრიცხავთ ვერცერთს იმიტომ, რომ მსგავსი გამორიცხვა იქნებოდა წინასწარი შეფასება და პოლიტიკური განცხადების გაკეთება. რაც შეეხება უფლებამოსილების შეჩერებას, რადგანაც ამ გამოძიებას ატარებს პროკურატურა, შეუძლებელია რომელიმე რიგითმა პოლიციელმა პროკურატურაზე მოახდინოს რამე გავლენა. უფლებამოსილების შეჩერებას აზრი აქვს მაშინ, როცა მსგავსი საფრთხე არსებობს. ასე რომ, თუ ამის საჭიროება დადგება, გამოძიება თვითონ მიიღებს გადაწყვეტილებას და პოლიტიკური ინსინუაციები ამ თემაზე საჭირო არ არის”,-აღნიშნა სუბარმა.

შეგახსენებთ, მუსიკალური ჯგუფის „ბირჟა მაფიას" წევრების გამოკითხვის საფუძველზე  თბილისის პროკურატურის საგამოძიებო ნაწილში  გამოძიება პოლიციელთა მხრიდან სამსახურებრივი უფლებამოსილების გადამეტებისა და მტკიცებულებების ფალსიფიკაციის შესაძლო ფაქტზე, საქართველოს სისხლის სამართლის კოდექსის 369' მუხლის მესამე ნაწილითა და ამავე კოდექსის 333-ე მუხლის მესამე ნაწილის "ბ" ქვეპუნქტით მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს