Golden State Warriors-მა დონალდ ტრამპთან შეხვედრაზე უარი თქვა

2017-06-14 11:06:18, 2454 ნახვა

მსოფლიო

ამერიკის ნაციონალური საკალათბურთო ლიგის (NBA) გამარჯვებული გუნდი Golden State Warriors-ი ამერიკის შეერთებული შტატების პრეზიდენტ დონალდ ტრამპს არ შეხვდება, - ამის შესახებ Metro.us იუწყება.

მედია საშუალების ინფორმაციით, ტრადიციის თანახმად, გამარჯვებული გუნდი ქვეყნის პრეზიდენტს უნდა შეხვდეს, თუმცა წელს აღნიშნული შეხვედრა არ გაიმართება.

მედიის ცნობით, გუნდში ანონიმური კენჭისყრა ჩატარდა, რომლის შედეგადაც, მოთამაშეთა უმრავლესობა ტრამპთან შეხვედრას ეწინააღმდეგება.

წინასაარჩევნო კამპანიისა და ტრამპის გამარჯვების შემდეგ, Golden State-ის მოთამაშეებმა და მთავარმა მწვრთნელმა ქვეყნის პრეზიდენტი არა ერთხელ გააკრიტიკეს.

ცნობისთვის, გუნდმა გამარჯვება 2015 წელსაც მოიპოვა და ქვეყნის მაშინდელ პრეზიდენტ ბარაკ ობამას შეხვდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან