აბაშიძე: მოვუწოდებთ რუსეთს, საბაჟო მონიტორინგის განსახორციელებლად კომპანიასთან მუშაობა დაასრულოს

2017-06-12 12:07:10, 2006 ნახვა

პოლიტიკა

საქართველოს პრემიერ-მინისტრის სპეციალური წარმომადგენლის ზურაბ აბაშიძის განცხადებით, ქართული მხარე კიდევ ერთხელ ადასტურებს, რომ მზადაა, 2011 წლის შეთანხმების ყველა პუნქტის შესაბამისად, ნეიტრალურ კომპანიასთან კონტრაქტი გაფორმდეს და დაიწყოს შეთანხმების განხორციელება.

როგორც აბაშიძემ საბაჟო მონიტორინგის შესახებ საუბრისას აღნიშნა, ქართული მხარე კვლავ მოუწოდებს რუსეთს, დაასრულოს კომპანიასთან კონტრაქტზე მუშაობა.

„კვლავ მოვუწოდებთ რუსეთის ფედერაციას, ასევე დაასრულოს კომპანიასთან ხელმოსაწერ კონტრაქტზე მუშაობა, რათა დაიწყოს მისი განხორციელება ძირითადი შეთანხმების სრული შესაბამისობით. ცნობილია, რომ ამ პროცესში აქტიურად არის ჩართული შვეიცარიის მხარე, რომლის დახმარებითაც მოხერხდა 2011 წლის შეთანხმებასთან დაკავშირებული რიგი საკითხების მოგვარება. ჩვენ მზად ვართ მათი ჩართულობით და არსებული ფორმატებით გაგრძელდეს ამ საკითხზე მუშაობა" ,-განაცხადა აბაშიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან