საქართველოს მთავარი პროკურატურა მეუღლის განზრახ მკვლელობაში ბრალდებულ სერგი საცერაძის მიმართ გამოტანილ განაჩენთან დაკავშირებით განცხადებას ავრცელებს, რომელსაც "ექსპრესნიუსი" უცვლელად გთავაზობთ:
"ქუთაისის საქალაქო სასამართლომ დასავლეთ საქართველოს საოლქო პროკურატურის საგამოძიებო ნაწილის მიერ ჩატარებული ეფექტური გამოძიების შედეგად შეკრებილ უტყუარ მტკიცებულებათა საფუძველზე, სრულად გაიზიარა სახელმწიფო ბრალდების პოზიცია და და საქართველოს შს სამინისტროს, ზესტაფონის რაიონული სამმართველოს უბნის ინსპექტორ-გამომძიებელი სერგი საცერაძე დამნაშავედ ცნო ყოფილი მეუღლის, სალომე ჯორბენაძის განზრახ მკვლელობაში და სასჯელის სახედ და ზომად 11 (თერთმეტი) წლით თავისუფლების აღკვეთა განუსაზღვრა.  
გამოძიებით დადგინდა, რომ სერგი საცერაძემ 2014 წლის 25 ივლისს, ქალაქ ზესტაფონში ე.წ „ირინეს ბაღში“, სამსახურებრივი საშტატო „იერიხოს“ მოდელის იარაღიდან რამდენიმე გასროლით განზრახ მოკლა მისივე ყოფილი მეუღლე  სალომე ჯორბენაძე.
ს. საცერაძეს ბრალდება წარდგენილი ჰქონდა საქართველოს სისხლის სამართლის კოდექსის 111,108-ე მუხლით. იგი დანაშაულის ჩადენის დღეს, 2014 წლის 25 ივლისს დააკავეს",-ნათქვამია პროკურატურის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა