ნიუ-იორკში დაკავებული ქართველი სპორტსმენის ლევან მაყაშვილის მეუღლის თათა შავლაყაძის განცხადებით, სასამართლომ მოკრივეს აღკვეთის ღონისძიების სახით გირაო შეუფარდა.

შავლაყაძე გირაოს ოდენობას არ აკონკრეტებს.

 „გირაოს შეტანა გვიან მოხდა და რადგან პარასკევი იყო, გამოშვება ვერ მოესწრო, ამიტომ ლევან მაყაშვილს ორშაბათს გაათავისუფლებენ“, - განუცხადა თათა შავლაყაძემ „საზოგადოებრივ მაუწყებელს“.

შავლაყაძის ინფორმაციით, დარბაზში 4 ქართველის საქმე ერთად განიხილებოდა. მისივე თქმით, აღნიშნული 4 პირიდან ის მხოლოდ ავთანდილ ხურციძეს იცნობს, სხვა ბრალდებულების გვარები კი არ ახსოვს.

მაყაშვილის მეუღლის მტკიცებით, აშშ-ის სასამართლო მის ქმართან დაკავშირებით გირაოზე მანამდეც თანახმა იყო, თუმცა თავად ბრალდებული, ამბობდა უარს იმ მიზეზით, რომ გირაო გაუსვლელობის პირობას მოიცავდა. შავლაყაძემ განმარტა, რომ სპორტსმენს სხვადასხვა ქალაქში ბრძოლები ჰქონდა დაგეგმილი.

შავლაყაძის განცხადებით, დარბაზში მყოფი 4 ქართველიდან, ხურციძის გარდა, ყველას გირაო შეეფარდა.

ლევან მაყაშვილი UFC-ს შერეული ორთაბრძოლების მებრძოლია. ის უკვე 4 წელია ნიუ-იორკში ცხოვრობს. საქართველოში მყოფი ოჯახის წევრების ინფორმაციით, ლევანი ავთანდილ ხურციძესთან მეგობრობდა, რადგან სპორტსმენები პერიოდულად ერთად ვარჯიშობდნენ.

ცნობისთვის, ამერიკელი სამართალდამცველები სპორტსმენებს რუსულ კრიმინალურ დაჯგუფებასთან კავშირს, რეკეტსა და ფინანსური თაღლითობის დაგეგმვას ედავებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს