ეკონომიკის სამინისტროს ინიციატივით, საერთაშორისო საკონსულტაციო-აუდიტორული კომპანია KPMG საფოსტო ბაზრის კვლევას ახორციელებს.

კვლევის ფარგლებში საქართველოს მასშტაბით გარკვეული რაოდენობის დასახლებული პუნქტების მოსახლეობაში, შემთხვევითი შერჩევის პრინციპით, ჩატარდება მომხმარებელთა გამოკითხვა საფოსტო მომსახურებით უზრუნველყოფის მდგომარეობის თაობაზე. კომპანია ასევე განახორციელებს ფოსტის სფეროში მოქმედი მეწარმე სუბიექტების საქმიანობის ზოგიერთი სტატისტიკური მონაცემების კვლევას.

ეკონომიკის სამინისტროს ინფორმაციით, ქვეყანაში საფოსტო ბაზრის ასეთი სახის ფართომასშტაბიანი კვლევა  პირველად ტარდება. უწყებაში აცხადებენ, რომ ამ კვლევაში მოსახლეობის,  ასევე  ფოსტის სფეროში მოქმედი კომპანიების აქტიური მონაწილეობა ძალიან მნიშვნელოვანია, რადგან საფოსტო ბაზრის კვლევის შედეგად ჩამოყალიბებულმა სამოქმედო პროგრამამ ხელი უნდა შეუწყოს ქვეყანაში ფოსტის სფეროს შემდგომ განვითარება/სრულყოფას, მაღალხარისხიანი საფოსტო მომსახურებებით (მათ შორის, უნივერსალური საფოსტო მომსახურებით) მომხმარებელთა უზრუნველყოფას, აღნიშნულ სფეროში კონკურენციის განვითარებას და ა.შ.

აღნიშნული კვლევის შედეგები ფოსტის სფეროში მომზადებული საკანონმდებლო აქტების პროექტებშიც აისახება, რის შემდეგაც მათი ინიცირება საქართველოს პარლამენტში სრულყოფილი სახით მოხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება