საქართველოს ფინანსთა სამინისტროს საგამოძიებო სამსახურში საკადრო ცვლილებები დაიწო.

უწყებაში თანამდებობა სამსახურის უფროსის მოადგილემ მიხეილ ახვლედიანმა და საზოგადოებასთან ურთიერთობის დეპარტამენტის უფროსმა გიორგი გრძელიშვილმა დატოვა.

როგორც "ექსპრესნიუსს" გრძელიშვილმა განუცხადა, მის მიერ თანამდებობის დატოვების გადაწყვეტილება თავად მიიღო.

"ჩემი პირადი გადაწყვეტილებაა. საგამოძიებო სამსახურში შეიცვალა გუნდი, ვისტანაც ერთად მე ვმუშაობდი, ვისთანაც ერთად ამდენი წლის განმავლობაში სტრუქტურას ვაწყობდით, ნდობა გვქონდა ერთმანეთის მიმართ. წავიდა უფროსიც, მოადგილეც, შესაბამისად მეც აღარ მაქვს სურვილი ახალ გუნდთან ვიმუშაო", - აღნიშნა გრძელიშვილმა.

ცნობისთვის, პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა ფინანსთა სამინისტროს საგამოძიებო სამსახურის თანამშრომლებს უწყების ახალი ხელმძღვანელი ლევან გამყრელიძე 9 ივნისს წარუდგინა. ამ პოსტზე მან გიორგი ბადაშვილი შეცვალა, რომელიც კარიერას მთავარ პროკურატურაში გააგრძელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს