პრეზიდენტი: გადადგომაზე ბევრჯერ მიფიქრია

2017-06-09 21:31:55, 2286 ნახვა

პოლიტიკა

„ჩემი პრეზიდენტობის განმავლობაში გადადგომის თაობაზე ბევრჯერ მიფიქრია“,-ამის შესახებ საქართველოს პრეზდენტმა გიორგი მარგველაშვილმა ტელეკომპანია ”პირველის” ეთერში განაცხადა.

როგორც პრეზიდენტმა აღნიშნა, დღევანდელ რეალობაში ვადამდელი არჩევნების დანიშვნა და გადადგომა მისი მხრიდან არაგულწრფელი იქნება.

„ჩემი პრეზიდენტობის განმავლობაში, რა თქმა უნდა, გადადგომაზე მიფიქრია და ეს ბუნებრივია, რადგან როდესაც ნაბიჯებს გეგმავ და ფიქრობ, მათ შორის ყოველთვის არის ესეც, როგორც ექსტრაორდინალური ნაბიჯი. მაგრამ ამ ეტაპზე იმ სქემას, რომელიც იქნა წარმოდგენილი, რომ გადადგომის მეშვეობით რაღაც პროცესის ან ინიცირება ან შეჩერება მოხერხდეს, ეს ჩემი სტილი არ იქნება. მიმაჩნია, რომ იურიდიული ხელოვნული გაჯანჯლებებით არ შეიძლება შედგეს პოლიტიკური პროცესი. პირველ და მეორე მოსმენას შორის, სანამ კონსტიტუცია მიღებული იქნება, მანამდე რომ გადადგეს პრეზიდენტი. ეს ხელოვნურ სუნთქვაზე ჩართული საპრეზიდენტო ინსტიტუტი მგონია. პრეზიდენტი მაღალი წოდება და ტიტულია, ეს უნდა მიიღო არა გვერდითი კარიდან და ხელოვნურად შექმნილი პროცესის შედგეგად, ამ ტიტულს სამართლიანად უნდა ატარებდე“, - აღნიშნა პრეზიდენტმა.