მინდა ვუთხრა ბატონ ბიძინას, გატყუებენ პროკურორები, რადგან ზურაბ ადეიშვილი ინტერპოლის დევნილთა სიიდან ლტოლვილის სტატუსის გამო არ ამოუღიათ, - ამის შესახებ ადეიშვილის ადვოკატმა ოთარ კახიძემ ჟურნალისტებს განუცხადა.

როგორც კახიძემ განმარტა, იუსტიციის ყოფილი მინისტრის ზურაბ ადეიშილის ძებნილთა სიიდან ამოღების მიზეზი პოლიტიკური დევნის მაღალი ალბათობა გახდა.

„ეს განცხადებები პროკურატურის მხრიდან კეთდება ბიძინა ივანიშვილის მისამართით, რათა დაამშვიდონ, იმიტომ, რომ გაბრაზებულია ძალიან მათზე. მინდა ვუთხრა ბატონ ბიძინას, რომ გატყუებენ პროკურორები, ვინაიდან, მაგალითად ერეკლე კოდუას ლტოლვილის სტატუსი აქვს, მაგრამ ის ჯერ ინტერპოლის ძებნილთა სიიდან არ ამოუღიათ. ამიტომ, მთავარი გახლავთ ის, რომ ინტერპოლის კონსტიტუციის მესამე მუხლის თანახმად, დაუშვებელია ინტერპოლის მექანიზმების გამოყენება პოლიტიკური მოტივაციის საქმეებზე. ამ შემთხვევაში, ზურაბ ადეიშვილთან მიმართებაში დადგინდა, რომ მაღალი ალბათობით, შესაძლოა ადიგლი ჰქონდეს პოლიტიკურ დევნას“, - განაცხადა ოთარ კახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა