პარლამენტის თავმჯდომარის ირაკლი კობახიძის განცხადებით, პრეზიდენტმა კონსტიტუციურ ცვლილებებთან დაკავშირებით დესტრუქციული ქმედებები დაგეგმა, რაც წარუმატებლად, მაგრამ განხორციელდა. 

აქედან გამომდინარე, კობახიძის განმარტებით, მმართველ გუნდში გარკვეული დეპუტატები ფიქრობენ, რომ კომპრომისმა აზრი დაკარგა, რის გამოც მიდიოდნენ დათმობაზე, პრეზიდენტი მომავალ წელს პირდაპირი გზით არჩეულიყო.

"ჩვენ ვთქვით, რომ დესტრუქცია არის ის, რაც შედიოდა კონკრეტული სუბიექტების გეგმებში. გარკვეული დესტრუქციული გეგმები შედგა და დაიწყო მათი განხორციელება. მქონდა პრესკონფერენცია ამასთან დაკავშირებით. იქ განვაცხადე დესტრუქციული გეგმის თაობაზე. ვთქვი, რომ დავინახავდით უახლოეს მომავალში, თუ როგორი იყო ეს დესტრუქციული  ელემენტები, რომლებითაც შედგა კამპანია საკონსტიტუციო რეფორმის წინააღმდეგ. რეალურად  ეს დაიგეგმა და განხორციელდა სამწუხაროდ  პრეზიდენტის, პრეზიდენტის ადმინისტრაციის მოხელეების უშუალო ჩართულობით, რაც ძალიან შემაშფოთებელი და სამწუხაროა. მითუმეტეს იმ პირობებში, როდესაც პრეზიდენტს აკისრია ძალიან მნიშვნელოვანი ფუნქცია  კონსტიტუციასთან მიმართებით და ძალიან სამწუხაროა, რომ პრეზიდენტი ასეთ პირობებში გეგმავს დესტრუქციულ ქმედებებს საკონსტიტუციო რეფორმის წინააღმდეგ. ეს გეგმა შედგა ეს გეგმა სამწუხაროდ განხორციელდა არა წარმატებულად,  მგრამ განხორციელდა. შესაბამისად ასეთ დროს ლოგიკურია კითხვები იმასთან დაკავშირებით, თუ რამდენად აქვს აზრი კომპრომისს",-აღნიშნა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით