თბილისის მერის დავით ნარმანიას განცხადებით, მრავალსართულიან პარკინგებზე ტენდერი უახლოეს მომავალში გამოცხადდება.

როგორც ნარმანიამ ჟურნალისტებს განუცხადა, ტექნიკური დოკუმენტაცია დასრულებულია.

"თბილისის მერიამ ტექნიკური დოკუმენტაცია უკვე ჩაიბარა. მნიშვნელოვანია ის, რომ მოხდა კონკრეტული ადგილების შერჩევა. ეს ადგილები შესწავლილია კომერციული თვალსაზრისით და 10-ვე ადგილი არის მიმზიდველი. ამჟამად მიმდინარეობს თვითონ გამოსაცხადებელი დოკუმენტაციის მომზადება, რომლის შემდეგაც იქნება გამოცხადებული ტენდერი. ერთ-ერთი ადგილი არის მერიის მიმდებარე ტერიტორია, კიდევ ერთი პარკინგი იქნება ფილარმონიასთან და ასევე დინამოსთან", - აღნიშნა თბილისის მერმა.

შეგახსენებთ, რომ დედაქალაქის მასშტაბით 10 ყველაზე დატვირთულ ადგილას მრავალსართულიანი პარკინგები აშენდება. შერჩეული 10 ადგილიდან 9 მიწისქვეშა პარკინგია, ხოლო ერთი მერიასთან მიწისზედა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით