გიორგი გახარია საერთაშორისო სავალუტო ფონდის მისიის წარმომადგენლებს შეხვდა

2017-06-02 18:00:26, 2393 ნახვა

ეკონომიკა

საქართველოს ეკონომიკისა და მდგრადი განვითარების მინისტრი გიორგი გახარია სართაშორისო სავალუტო ფონდის მისიის წარმომადგენლებს შეხვდა.

უწყების ინფორმაციით, გიორგი გახარიამ მერსედეს ვერა-მარტინთან გამართულ შეხვედრაზე საქართველოს მთავრობის სტრუქტურული რეფორმების მიმდინარეობა განიხილა. მათ შორის, დაგროვებითი საპენსიო რეფორმა. სავალუტო ფონდის წარმომადგენლებმა ამ კუთხით მიღწეული პროგრესი დადებითად შეაფასეს.

გიორგი გახარიამ სავალუტო ფონდის წარმომადგენლებს ბიზნესსახლის კონცეფცია წარუდგინა, რომელზეც საქართველოს მთავრობა მუშაობს.

შეხვედრაზე ასევე განიხილეს საჯარო-კერძო პარტნიორობის სისტემის შექმნის საკითხი და ამ მიმართულებით მიღწეული პროგრესი.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან