საკრებულოს დამოუკიდებელი დეპუტატის ალეკო ელისაშვილის განცხადებით, ერთმნიშვნელოვანია, რომ ქართული სპეცსამსახურები დაეხმარნენ აზერბაიჯანულ მხარეს ადამიანის გატაცებაში და "დასაკლავი კრავივით გადასცეს ეს ადამიანი საწამებლად“.

ელისაშვილის თქმით ამ ფაქტის გამო პასუხის გება ხელისუფლებას მოუწევს.

"ერთმნიშვნელოვანია, რომ ქართული სპეცსამსახურები აზერბაიჯანს ადამიანის გატაცებაში დაეხმარნენ და ასე "დასაკლავი კრავივით" გადასცეს ეს ადამიანი მათ საწამებლად. ამაში მე პირადად ეჭვი არ მეპარება. ხელისუფლება ერთმანეთის საწინააღმდეგო განმარტებებს აკეთებს და ინდური ფილმის სცენარს წარმოგვიდგენს. ერთმნიშვნელოვანია, რომ პასუხის გება მოუწევს ხელისუფლებას, ჯეჯელავას თამადობით, ყველას",-განაცხადა ელისაშვილმა.

შეგახსენებთ, რომ აზერბაიჯანელი ჟურნალისტი საქართველოში 29 მაისს "გაუჩინარდა“. 30 მაისს მედიაში გავრცელდა ინფორმაცია, რომ ის აზერბაიჯანში ნაცემ მდგომარეობაში, მალულად გადაიყვანეს. მას სამართალდამცველებისთვის წინააღმდეგობის გაწევის, საზღვრის უკანონო კვეთისა და კონტრაბანდის მუხლებით წაუყენეს ბრალი. გუშინ ბაქოში წინასასამართლო სხდომა გაიმართა. ჟურნალისტს წინასწარი 3-თვიანი პატიმრობა შეეფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქონების გადასახადის ზღვარი ₾100 000-მდე იზრდება, ოცნება ინიციატივას დაჩქარებულად განიხილავს

კიევის რეგიონში რუსული დარტყმების შემდეგ, საწყობს ცეცხლი გაუჩნდა და მის მახლობლად ამიაკის მომატებული დონე დაფიქსირდა

ევროკავშირმა უკრაინისთვის სამხედრო საწვრთნელი მისიის მანდატი 2028 წლამდე გაახანგრძლივა

საქართველოს ბანკმა DataIQ-ის დაჯილდოებაზე მონაცემთა და AI-ის მიმართულებით ოთხი ჯილდო მიიღო