ე.წ. ციანიდის საქმეზე სასამართლო პროცესს ბრალდებული დეკანოზი გიორგი მამალაძე დაესწრება. 

ამის შესახებ ჟურნალისტებს მისმა ადვოკატმა მიხეილ რამიშვილმა განუცხადა.

მისივე თქმით, სასამართლო პროცესს დაესწრებიან სახაზინო  წესით დანიშნული ადვოკატებიც და სასამართლო სხდომებში მათი მონაწილეობის საკითხი დღეს გადაწყდება.

შეგახსენებთ, 19 მაისს, მას შემდეგ, რაც მოსამართლემ არსებითი სხდომების სრულად დახურვის გადაწყვეტილება მიიღო, მამა გიორგი მამალაძემ  პროტესტის ნიშნად სხდომა პროცესი  დატოვა და მის ადვოკატებსაც  იგივე ქმედებისკენ მოუწოდა.

ადვოკატებმა მათი დაცვის ქვეშ მყოფის მოთხოვნის შესაბამისად სხდომა დატოვეს.

მოსამართლემ მიიჩნია, რომ მათ დაარღვიეს საპროცესო კოდექსი და სასამართლო სხდომებიდან ადვოკატები გააძევა.

მოსამართლის გადაწყვეტილებით, გიორგი მამალაძეს სახაზინო ადვოკატები დაენიშნა, თუმცა მამალაძის ადვოკატებმა მათი გაძევების გადაწყვეტილება სააპელაციო სასამართლოში გაასაჩივრეს, ამ უკანასკნელმა კი ისინი სასამართლო განხილვების სხდომებზე დააბრუნა.

რაც შეეხება არსებითი სხდომების დახურვის მოტივაციას, მოსამართლემ ეს გადაწყვეტილება პერსონალური მონაცემების, პირადი ცხოვრებისა და პროცესის მონაწილეთა უსაფრთხოების ხელყოფასთან დაკავშირებული გარემოებების გათვალისწინებით მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს