ყოფილი მთავარი პროკურორის ოთარ ფარცხალაძის ადვოკატები  სახელმწიფო აუდიტის სამსახურის უფროსს და მის მოადგილეს, აუდიტორთა ეთიკის კოდექსის დარღვევაში ადანაშაულებენ.

კერძოდ, მერაბ ჩიქოვანის თქმით, აუდიტორი ვალდებულია, აუდიტის შედეგები არ გახადოს საჯარო, აუდიტის შედეგების შემაჯამებელი შესაბამისი დოკუმენტის შედგენამდე. ამასთან, მისივე განმარტებით, არათუ დასკვნა, პროექტიც კი არ ყოფილა მომზადებული, რაც მეტყველებს იმაზე,  რომ გუშინდელ ბრიფინგზე სათქმელი ინფორმაცია სახელდახელოდ მოამზადეს:

„სახელმწიფო აუდიტორის და მისი მოადგილის გავრცელებული ინფორმაცია, წარმოადგენს სახელწმიფო აუდიტის სამსახურის აუდიტორთა ეთიკის კოდექსის მე-8 მუხლის მე-2 პუნქტის დარღვევას, რომლის თანახმადაც, აუდიტორი ვალდებულია, აუდიტის შედეგები არ გახადოს საჯარო აუდიტის შედეგების შემაჯამებელი შესაბამისი დოკუმენტის შედგენამდე. ჩვენს შემთხვევაში, არათუ შემაჯამებელი დოკუმენტი, აუდიტორული ანგარიშის პროექტიც არ ჰქონიათ მომზადებული, რაც ე.წ. შუალედური ინფორმაციის წარმოდგენით, მათი მხრიდან კანონის უხეშ დარღვევაზე მეტყველებს. გუშინდელი ბრიფინგი იყო მორიგი მცდელობა, საზოგადოების შეცდომაში შეყვანისა და ნათელი მაგალითი, პირადი მიზნებისთვის სამსახურებრივი მდგომარეობის გამოყენებისა. ნათელია ისიც, რომ ბატონი თორდიას მიერ დაანონსებულ დასკვნას საზოგადოება ელოდებოდა დაახლოებით კვირანახევარი, თუმცა აღმოჩნდა, რომ არათუ დასკვნა, პროექტიც კი არ ყოფილა მომზადებული, რაც მეტყველებს იმაზე, რომ გუშინდელ ბრიფინგზე მომზადებული ინფორმაცია სახელდახელოდ მოამზადეს კონკრეტული მიზნებისათვის და არანაირი რეალური შესწავლა კონკრეტული ფაქტების, რაზედაც აპელირებდა ბოლო უკანასკნელი დღეებია ბატონი თორდია, არ მიმდინარეობდა“,-განაცხადა ადვოკატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს